Serokdewletê Rûsyayê Vladîmîr Pûtîn û Serokwezîrê Hindistanê Narendra Modî li paytexta Rûsyayê Moskowayê hatin cem hev.
Lîderên her du welatan ji bo dîtina rêyên ji bo çareserkirina krîza Ukraynayê di serî de bi rêyên aştiyane gotubêj kirin.
Her wiha Modî diyar kir ku duh di hevdîtina bi Pûtîn re li ser avakirina aştiya herî zû li hev kirin û wiha got: “Em amade ne ku di vî warî de her alîkariyê bidin.
Ez ji we re piştrast dikim ku Hindistan her tim alîgirê aştiyê ye.”
Serokdewletê Rûsyayê Vladîmîr Pûtîn û Serokwezîrê Hindistanê Narendra Modî li paytexta Rûsyayê Moskowayê hatin cem hev.
Serokê dewletê Rûsyayê Vladimîr Pûtîn di beşa vekirî ya civîna çapemeniyê ya ku Qesra Kremlînê hat lidarxistin da axivî.
Vladimir Putin destnîşan kir ku qebareya bazirganiyê ya di navbera herdu welatan da par ji sedî 66 zêde bû.
Pûtîn bal kişand ku di çaryeka ewil a îsal da qebareya bazirganiyê ji sedî 20 zêde bû û wiha got:
“Têkiliyên me bi hevkariyeke stratejîk a bi cûda ne.”
Pûtîn diyar kir ku her du welat bi BRICS, Rêxistina Hevkariya Şanghayê û Neteweyên Yekbûyî re ji nêz ve hevkariyê dikin.
Pûtîn got:
“Ez spasiya we dikim ji ber eleqeya we ya di mijarên herî girîng de, nemaze ji bo hewildanên we yên dîtina rêyên çareserkirina krîza Ukraynayê di serî de bi rêyên aştiyane.”
Modî di axaftina xwe de bal kişand ku ev 5 sal in cîhan bi pirsgirêkên curbecur re têdikoşe û got:
“Roket û fuze wê alîkariya çareseriya pirsgirêkan nekin.
Em di wê baweriyê de ku diyaloga aştiyane pêwîst e.”
Her wiha Modî diyar kir ku duh di hevdîtina bi Pûtîn re li ser avakirina aştiya herî zû li hev kirin û wiha got:
“Em amade ne ku di vî warî de her alîkariyê bidin.
Ez ji we re piştrast dikim ku Hindistan her tim alîgirê aştiyê ye.”
Modî destnîşan kir ku hemû mirovahî ji ber mirina mirovan bi taybetî jî zarokan êşê dikişîne û got:
“Dema em bi êşeke wiha hîs dikin dilê me dişewite û min duh firsend dît ku ez li ser van mijaran biaxivim.”
