Li Endonezyayê ji ber şemîtina axê ku di kana zêr de pêk hat 17 kes jiyana xwe ji dest dan.
Di dema ku xebatên lêgerîn û xilaskirinê ji ber barana zêde û her wiha qatek qalind a heriyê asteng bûn, heta niha 52 kes bi saxî hatin dîtin.
Li aliyê din li eyaleta El Dorado ya Kalîforniyayê agirkuj hewil didin ku şewata li derdora Balafirgeha Kalîforniyayê vemirînin ji ber ku pêla germê ya li eyaletê didome.
Li girava Sulawesî ya welatê Asyaya Başûr Endonezyayê ji ber şimitîna di kana zêr de ku di nav de karkerên madenê û kesên li herêmê dijîn 17 kesan jiyana xwe ji dest dan.
Xebatên lêgerîn û xilaskirina 45 kesên ku hat ragihandin winda ne berdewam dikin.
Li gor nûçeya ajansa Reutersê, li herêma Gorontalo ya giravê şimitîna axê pêk hat û barana zêde berdewam kir.
Berpirsekî bi navê Salama ji saziya lêgerîn û rizgarkirinê ya welat bi rêya telefonê derbarê mijarê de agahî da.
Berpirs Salama ragihand ku xebatên lêgerîn û rizgarkirinê yên ku ji ber barana zêde ya ji bo demekê hatibûn rawestandin, dîsa dest pê kir.
Li Endonezyayê heta niha 52 kes hatin rizgarkirin
Rayedarek din jî anî ziman ku nêzî 400 kes beşdarî xebatê bûne û helîkopterek jî alîkariya xebatê kiriye.
Di dema ku xebatên lêgerîn û xilaskirinê ji ber barana zêde û her wiha qatek qalind a heriyê asteng bûn, heta niha 52 kes bi saxî hatin dîtin.
Berpirs Salama diyar kir ku hin xebatkarên lêgerîn û xilaskirinê ji bo ku bigihîjin cihê bûyerê neçar man ku zêdetirî 20 kîlometreyan bimeşin.
Li Endonezyayê ku gelek caran şimitîna axê lê çêdibe, ji ber birîna daran û xebatên madenê yên bê ruxset, bi taybetî li herêmên dûr, metirsiya şimitîna axê zêde dibe.
Li herêma Sûmatraya Rojava di meha Gulanê de ji ber barana zêde, lehî û hezazê zêdeyî 50 kes mirin.
Her wiha di şimîtîna axê ku li Sûlava Başûr piştî barana zêde ya meha Nîsanê qewimî da herî kêm 18 kes mirin.
Şewata daristanê li balafirgeha Kalîforniyayê belav bû
Li aliyê din li eyaleta El Dorado ya Kalîforniyayê agirkuj hewil didin ku şewata li derdora Balafirgeha Kalîforniyayê vemirînin ji ber ku pêla germê ya li eyaletê didome.
Hat dîtin ku ekîbên agirkujiyê ji bo ku agir belav nebe ji balafir û helîkopteran av û toza agirberdanê davêjin.
Hat ragihandin ku pêla germê ya rekorê ku li eyaletên rojavayê Amerîkayê bû sedema şewatên mezin ên daristanan, wê hefteya bê jî dewam bike.
