Li Efrîna dagirkirî çeteyên dewleta Tirk a dagirker malên welatiyan desteser dikin û difiroşin.
Hemwextî vê di berdêla fîdyeyan de welatiyek din jî ji aliyê çeteyan ve hat revandin.
Li akiyekî li Tirkiyê di nîjadperestên Tirk êrişî zarokî Sûrî kirin û bi giranî birîndar bû
Sûcên kuştin, revandin û talankirinê yên dewleta Tirk û çeteyên wê li Efrîna dagirkirî didomin.
Di çarçoveya siyasetên guhertina demografiya Efrînê de, kesên ku li Efrînê hatine bicihkirin, bi mal û milken şêniyên Efrînê yên ku bi zorê koçber bûne, bazarê dikin.
Li gorî çavkaniyên xwecih, kesê bi navê Ehmed El Hecî yê ji Çiyayê His ê Helebê ku dewleta Tirk û çeteyan li Efrînê bi cih kiriye, xaniyek li taxa Mehmûdiye ya Efrîniyê bi navê Ismet Henan ê ji gundê Şêx Bila yê bajarê Racoyê, bi hezar û 500 dolarî firot kesekî din.
Ehmed El Hacî sala 2018`an dema dewleta Tirk a dagirker û çeteyên wê bajarê Efrîn dagir kir, dest danîbû ser malê.
Her wiha hat diyar kirin mala welatiyê bi navê Cemal Hemîd mala ji aliyê çeteyekî koma “Mexawîr El-Şerqiyê” hatine desteserkirin.
Çete li berdêla mala Cemal 4 hezar dolarên Amerîkî xweistiye.
Çeteyan li Mabata a Efrînê welatiyek revandin
Li aliyê din çeteyên “Lîwa 112” ên deweta Tirk şêniyê bi navê Menna Miho Nasan yê 40 salî ê ji gundê Dimiliya yê Mabetayê, dema vedigeriya gundê xwe, revand.
Çeteyan ji bo ku Nasan serbest berdin, fîdye ji malbata wî xwestiye.
Her wiha çeteyên “Polîsên Leşkerî” Jî duh şêniyê bi navê Sibhî Ebdo Şêxo (60) li pêşiya mala wî ya li taxa Mehmûdiye ya Efrînê revandin.
Ji bo ku wî serbest berdin bi rêya telefonê bi malbatê re axivîne û gef lê xwarine ku heke fîdyeym nedin dê wî bikujin.
Li Tirkiyê nîjanperastan êrişî zarokekî Sûrî kirin
Li akiyekî di nîjadperestên Tirk li bajarê Îzmîr ê Tirkiyê êrişî zarokî din yên Sûrî kir.
Di êrişa li ser zarokê binavê Izedîn El Esanî yê 15 salî de, bi giranî birîndar bû.
Li gorî agahiyên hatine girtin, hestiyê serî, poz û diranên wî şikestine.
Her wiha ji ser hişê xwe çûye.
Malbatê diyar kir ku bavê êrişkar gef li wan xwariye ku heke gilî bikin dê tevî kurê wan ê birîndar ji Tirkiyê derxin.
