Li Înglîstanê li dijî rastgirên tund ku misilmanên li welêt berpirsê kuştina 3 keçan dîtin û êrîşî wan kirin, xwepêşandan hat lidarxistin.
Ji bo parastina koçber û penaberên li Îngilîstanê bi hezaran kes daketin qadan û kiryarên rastgirên tund şermezar kirin.
Piştî hefteyek tundiyê ku ji ber îdîayên derewîn ên êrîşek bi kêran ku Îngilîstanê hejand, xwepêşanderên dijî nijadperestiyê êvara Çarşemê daketin kolanan li seranserê welêt.
Di dema ku protestoyên “li dijî penaber û koçberan” ku li welêt piştî kuştina sê keçan bi êrîşa bi kêrê li atolyeya dansê ya li bajarê Southport li bakurê rojavayê Îngilîstanê dest pê kir, bi rojan berdewam kir.
Lê piştî hefteyek tundûtûjiya rastgirên tund, xwepêşandêrên aştiyane yên dijî nijadperestiyê şeva borî kolan tijî kirin.
Ji ber ku xwepêşandanên li dijî penaberan welat dorpêç kir, gelek karsazî deriyên xwe girtin.
Serokwezîrê Îngilîstanê Keir Starmer bûyer weke “hovîtiya rastgirên tund” bi nav kir û hişyarî da kesên ku tevlî şîdetê bûne “dê bi tevahî hêza qanûnê re rû bi rû bimînin”.
Rastgirên tund êrîşî mizgeft û otêlên ku penaber lê diminîn kirin
Ev xwepêşandan ji kaosa ku ji 30’ê Tîrmehê vir ve li kolanên Belfast, Îngilîstan û Îrlandaya Bakur diqewime pir cûda bûn.
Li ser medyaya civakî gotegotek hat belavkirin ku tê gumankirin kesê ku li pişt êrîşa bi kêrê ye “misilmanekî koçber” e.
Xwepêşanderan ku dirûşmên li dijî koçber û penaberan qîr kirin, piştre êrîşî mizgeft û otêlên ku penaber lê dimînin kirin.
Bûyeran tirsek mezin xist nav civakên misilman û koçberan.
Hat ragihandin ku li hin deveran êrîşên dijwar hatin kirin.
Ji bo parastina koçberan bi hezaran kes li qadan bûn
Ji bilî bi hezaran efserên ku berê li ser peywirê ne, nêzî hezar û 300 hêzên pispor ji bo pirsgirêkek cidî li paytext Londonê amade bûn.
Komîserê polîsan got:
“Em ê van mirovan biparêzin. Nêrînên we yên siyasî çi dibe bila bibe, çewisandina her kesê ku bi qanûnî tevdigere bi tevahî nayê qebûlkirin û em ê rê nedin ku pergala penaberiyê were çewisandin.”
Li taxa North Finchley ya Londonê, girseya alîgirên koçberan bi lez xwe gihand bi sedan kesî.
Girseyê dirûşmên “Penaber bi xêr hatin” û “London li dijî nîjadperestiyê” berz kirin.
Hinekan pankartên bi nivîsa “Rastgiriya tund rawestînin”, “Koçberî ne sûc e” û “Finchley li dijî faşîzmê” vekirin.
