Komeleya Dema Jinan li Taksîmê bi dirûşma “Em li atolyeya mûmê hev dibînin” li avahiyên komeleyê çalakiya mûman li dar xist.
Komele li gel serlêdanên şîdetê, li taxan atolyeyên hişyariyê jî li dar dixe û li gorî daxwaz û pêdiviyên jinan xebatên xwe dimeşîne.
Komeleya Dema Jinan li gel serlêdanên şîdetê, li taxan atolyeyên hişyariyê jî li dar dixe û li gorî daxwaz û pêdiviyên jinan xebatên xwe dimeşîne.
Di vê çarçoveyê de li Taksîmê li avahiyên komeleyê çalakiya mûman li dar xist.
Newroz Unverdî diyar kir ku armanca wan ji vê komxebatê ew bû ku cihekî ku jin bikarin lê bihna xwe vedin hebe û got:
“Divê jin di bin navê hilberîna kolektîf de xwedî li qada xwe derkevin.”
Di dawiyê de her jinekê mûmek ku rengê xwe nîşan dide, amade kir.
Atolyeya mûman bi çepik û tilîliyan bi dawî bû.
Li Peyasê civîna kedê ya jinan hat li darxistin
Li aliyekî din Şaredariya Peyasê li Parka Rojava ya navçeya Peyasê ya Amedê ‘Civîna Keda Jinê’ li dar xist.
Di civînê de jinan berhem û xwarinên ku hilberandin li standên ku vekirin firotin.
Civîn bi beşdariya Hevşaredara Peyasê Gulşen Sincar berdewam kir.
Gulşen Sincar hemû standên civînê ziyaret kir û bi jinan re sohbet kir û diyar kir ku ew ji bo pêkanîna projeyên ku dê jinan bigihînin hev dixebitin.
Selma Degîrmencî: Divê jin serxwebûna xwe ye aborî bi destbixin
Akademîsyen Selma Degîrmencî ragihand ku ew li qadên xebatê yên ku ji aliyê kooperatîfên jinan ve tên dayîn xwe birêxistin dikin û kooperatîfeke jinan vedikin.
Selmayê da zanîn ku yek ji pirsgirêkên herî krîtîk ên jinan bidestxistina serxwebûna xwe ya aborî ye û wiha pê de çû:
“Em di çi şert û mercî de vê bikin jî, ev mijara me ya sereke ye. Ger jin xwedî hatineke ku hêza xwe ya aborî di jiyana xwe de bidomîne û biguherîne, wê di biryaran de, îradeya xwe û ya ku dixwazin bikin, pir azadtir bin.”
