15’ê Tebaxê 4’emîn Civîna Mekanîzmaya Ewlekariya Bilind a navbera Tirkiye û Iraqê de hat lidarxistin.
Mijara sereke ya hevdîtinê jî berfirehkirina dagirkeriya Tirkiyê bû.
Komîteya Têkîliyên Derve ya KCK’ê diyar kir ku dewleta Tirk a dagirker hewl dide li ser Rojhilata Navîn bi bandor bibe û got: “Divê hikûmeta Iraqê li şûna polîtîkayên qirêj ên dewleta Tirk, girîngî bide têkîliyên dostane yên ku berjewendiyên gelên Iraqê diparêze.”
“Yê ku bêyî erêkirina dewleta Iraqê, hêzên leşkerî şand Başîkayê dewleta Tirk e. Hikûmeta Iraqê vê yekê nabîne yan jî ji vê yekê razî ye.”
Komîteya Têkîliyên Derve ya KCK’ê bi vê gotinê bertek nîşanî hevdîtina di navbera rayedaryên Iraq û Tirkiyê da.
15’ê Tebaxê 4’emîn Civîna Mekanîzmaya Ewlekariya Bilind a navbera Tirkiye û Iraqê, li Enqereyê hat lidarxistin.
Piştî civînê Wezîrê Karê Derve yê Tirkiyê Hakan Fîdan anî ziman ku wan di warê leşkerî de, li gel Iraqê hinek peyman îmze kirin e.
Wezîrê karê derve yê Iraqê yê PDK’î Fuad Huseyîn jî diyar kir ku lihevkirina Enqere û Bexdayî tê wateya parastina desthilatdariya Iraqê.
KCK: PKK’ê ti carî li dijî qanûnên Iraqê dernektiye û tevnegeriya ye
Komîteya Têkîliyên Derve ya KCK’ê ev nirxandinên Fuad Huseyîn rexne kir û wiha got:
“Fuad Huseyîn û hikûmeta Iraqê bêy ku nav bidin, dibêjin ew PKK’ê weke xeter dibînin. Lê belê PKK’e ti carî li dijî qanûnên Iraqê tevnegeriya ye. Jixwe gelên Iraqê bi dostane nêzî PKK’ê dibin. Lê çawa niha ji nişka ve PKK weke tevgereke ku ewlehiya Iraqê tehdît dike, tê dîtin?”
KCK: Hikûmeta Iraqê di nava xwexapandineke mezin de ye
KCK’ê balişand ser dagirkeriya Tirkiyê ya li ser xaka Başûrê Kurdistanê jî û ev tişt got:
“Eşkere ye ku hikûmeta Iraqê di nava xwexapandineke mezin de ye.
Yê ku DAÎŞ li Mûsilê xwedî kir, berê êrîşên wê da Sûriye û Rojava Erdogan û dewleta AKP’ê ye.
Yê ku bêyî erêkirina dewleta Iraqê hêzên leşkerî şand Başîkayê jî dewleta Tirk e. Hikûmeta Iraqê vê yekê nabîne yan jî, ji vê yekê razî ye.”
KCK’ê diyar kir ku hikûmeta Iraqê dikare mafên xwe yên hiqûqa navneteweyî binirxîne û li dijî dewleta Tirk a dagirker helwest bigire.
KCK: Divê hikûmeta Iraqê nebe hevkarê polîtîkayên qirêj ên dewleta Tirk
Komîteya Têkîliyên Derve ya KCK’ê diyar kir ku dewleta Tirk a dagirker bi polîtîkaya Osmanîya nû hewl dide li ser Rojhilata Navîn bi bandor bib û weha bi dawî kir:
“Dewleta Tirk ji bo berjewendiyên xwe bi rengekî bê-exlaqî hewil dide aloziyan derxîne, ji ber vê em bang li hikûmeta Iraqê dikin ku nebin hevkarê van polîtîkayên qirêj ên dewleta Tirk û divê girîngî bide têkîliyên bi dostane yên ku berjewendiyên gelên Iraqê esas digire.”
