Bahoza Yagî herî zêde li Vîetnam û Myanmarê bû sedema windahiyên zêde.
Hat ragihandin ku li Miyanmarê di encama keraseta lehiyê de 74 kes mirin û 89 kes jî winda ne.
Li Vîetnamê jî di şemîtina axê û lehiya ku ji ber bagera Yagi pêk hat de hejmara miriyan derket 292’yan.
Her wiha li Kamerûnê jî ji ber lehiyê 10 kes jiyana xwe ji dest dan.
Li Mynamarê ji ber lehiyên ku di encama bahoza Yagî de pêk hatiye hejmara miriyan her ku diçe zêde dibe.
Hat ragihandin ku di encama keraseta lehiyê de 74 kes mirin û 89 kes jî winda ne.
Li gorî hejmarên fermî, hefteya bihurî piştî Bahoza Yagî li herêmê xist, li Myanmar, Vîetnam, Laos û Taylandê bû sedema lehî û şemîtina axê.
Di encama van bobelatan de 350 kes mirin.
Di bîlançoya beriya niha de hatibû ragihandin ku 33 kes mirine û zêdeyî 235 hezar kes jî neçar mane cih û warên xwe biterikînin.
Rojnameya Myanmarê, diyar kir ku xebatên lêgerîn û rizgarkirinê dewam dike û da zanîn ku lehî bûye sedem ku zêdetirî 65 hezar mal û 5 bendav hilweşe.
Hat ragihandin ku li navenda welêt bi taybetî li derdora paytext Naypyidawê zeviyên çandiniyê di bin avê de mane.
Her wiha li herêmên çiyayî şemîtina axê pêk tên.
Ji ber rê û pirr zirarek mezin dîtine, xetên telefon û înternet qutbûne, agahiyên berfireh wergirtin zehmet bûye.
Li Vîetnamê ji ber bahozê hejmara miriyan derket 292’yan
Li Vîetnamê jî di şemîtina axê û lehiya ku ji ber bagera Yagi pêk hat de hejmara miriyan derket 292’yan.
Hat diyarkirin ku ji ber bobelatê 38 kes winda bûne, xebatên lêgerîn û xilaskirinê didomin û ji derve jî piştgirî hat dayîn.
Li Kamerûnê ji ber lehiyê 10 kes mirin
Her wiha li gorî nûçeyên di çapemeniya neteweyî de cih girtin, ji ber barana zêde gelek xanî xisar dîtine.
Di lehiyê de 10 kesan jiyana xwe ji dest dan û hezar û 100 lawir jî mirin.
Hat diyarkirin ku ji ber lehiyê zêdeyî 200 hezar kes mexdûr bûne û 8 hezar xanî jî hilweşiyane.
Çîn li hemberî bahoza bebinca amadekariya tedbîran dike
Li aliyê din li Çînê bahoza Bebinca nêzî perava rojhilat a welêt û paytexta aboriyê Şanghay’ê dibe.
Rayedaran rabûna balafiran, betal kirin. Li welêt li dijî baranên tund, amadekarî tên kirin.
Li gorî Wezareta Rêveberiya Afetê, tê payîn ku bahoz di navbera şeva Yekşemê û sihara Duşemê de Şanghay jî di nav de li bejahiyê çêbibe.
Wezaretê hişyarî da ku bahoz wê di navbera Duşem û Sêşemê de wê bibe sedemê baraneke pir dijwar.
Li gorî daxuyaniyê, rayedaran ji bo li hemberî bahozê tedbîran bigirin, hatin cem hev.
