Di navbera Rûsya û Ukraynayê de şer bi giranî didome.
Hat diyarkirin ku li Xarkîvê 3 jê zarok herî kêm kesek mir û 43 kes jî birîndar bûn.
Her wiha hêza hewayî ya Ukraynayê ragihand ku şeva 15’ê Îlonê 53 balafirên bêmirov ên Rûsyayê hatine xistin.
Waliyê Herêma Belgorod a Rûsyayê jî ragihand ku di encama êrîşên Ukraynayê de 8 kes birîndar bûne.
Rayedarên Ukraynayê ragihandin ku di êrîşên Rûsyayê ya li dijî herêma Xarkivê de herî kêm kesek mir.
Hat diyarkirin ku 3 jê zarok 43 kes birîndar bûne.
Waliyê Herêma Kîevê Ruslan Kravchenko ragihand ku di êrîşeke din a ku bandor li paytext û derdora wê kiriye de kesek birîndar bûye.
Zeleksiy: Avahiya ku sivîl li dijîn bû armanc
Her wiha serokdewletê Ukraynayê Vladimir Zelenskiy diyar kir ku di êrîşa li Xarkîvê de avahiyeke ku sivîl lê diman hatiye armanckirin.
Zelenskiy ragihand ku di navbera qatên 9 û 12 ê avahiyê de şewat derketiye.
Zelenskiy ê ku daxuyaniyeke vîdeoyî weşand got:
“Divê cîhan alîkariyê bide Ukraynayê ji balafirên artêşa Rûsyayê ku dibe sedema mirina Ukrayniyan biparêzin. Ev teror dikare were sekinandin.”
Şaredarê Xarkîvê Îhor Terekhov diyar kir ku şewat hatine vemirandin.
Ukrayna: 53 balafirên bê mirov ên Rûsyayê hatin xistin
Li aliyê din artêşa Ukraynayê ragihand ku bi şev herî kêm 20 balafirên bêmirov rusi hatine xistin.
Serokê Îdareya Leşkerî ya Kîevê Serhiy Popko di daxuyaniya xwe ya ku li ser Telegramê hat weşandin de got:
“Balafirên bê mirov ên Rûsyayê ji aliyên cuda û komên cuda ber bi Kîevê ve diçûn.”
Hat ragihandin ku li herêma Kîevê kesek birîndar bûye.
Hêza hewayî ya Ukraynayê ragihand ku şeva 15’ê Îlonê 53 balafirên bêmirov ên Rûsyayê hatine xistin.
Rûsya: Li belgorodê 8 kes birîndar bûn
Ji aliyê din ve rêveberiya Moskowê ragihand ku di êrîşên hewayî yên Ukraynayê ya li ser bajarê Belgorodê de 8 kes birîndar bûne.
Waliyê Herêma Belgorod a Rûsyayê Vyaçeslav Gladkov jî got:
“Li gorî agahiyên destpêkê 8 sivîl birîndar bûne. Ji birîndaran yek jin e ku rewşa wî gelekî giran e.”
Rayedarê Rûsî diyar kir ku birîndar rakirin nexweşxaneyê.
Gladkov her wiha da zanîn ku di encama lêdaneke rasterast de avahî û zêdetirî 15 otombîlan şewitîn.
