Îsraîl li dijî 100 noqteyên Hizbullahê êrîş pêk anî.
Li gor daxuyaniya Îsraîlê hezar seriyên roketan a girêdayî Hizbullahê hatiye îmhakirin.
Li aliyê din liderê Hizbullahê Hesen Nasrallah ji bo cara yekê piştî teqînên cihazên pêwendiyê û bêtêlan yên li Lubnanê axivî.
Nasrallah anî ziman ku wan ev 11 meh in amadekariya şerê bi Îsraîlê re kirine.
Îsraîlê ragihand ku li başûrê Lubnanê li dijî hedefên Hîzbullahê êrîşên esmanî pêk anîne.
Di daxuyaniyê de hat diyarkirin ku li 100 noqteyan hezar seriyên roketên ku dihat îdiakirin li dijî Îsraîlê amade ne hatin îmhakirin.
Îsraîl: Hezar seriyên roketan hatin îmhakirin
Di daxuyaniyê de hat diyarkirin ku artêş li ser derfet û binesaziya leşkerî ya Hîzbullahê berdewam dike.
Li gor nûçeyên ku di çapemeniya Îsraîlê de hatin belavkirin, moşekên ku ji başûrê Lubnanê ber bi Metula ya li bakurê Îsraîlê ve hatin avêtin, li herêmê şewat derket.
Dîmenên şewatên li herêma Metula li ser medyaya civakî hatin parvekirin.
Ji Lubnanê ber bi herêma metula ya Îsraîlê moşek hatin avêtin
Di encama êrîşan de xetên pêwendiyê û elektrîkê jî xisar dîtin.
Radyoya artêşa Îsraîlê beriya niha diyar kiribû ku di 48 saetên dawî de nêzî 150 roket avêtine bakurê welêt.
Artêşa Îsraîlê her wiha ragihand ku Hizbullahê 30 platformên mûşekan û 150 mûşekavêjên ji bo avêtinê amade ne kirine armanc.
Lubnan ji ber teqînan gilî ji konseya ewlekariyê ya NY bike
Li aliyê din hat diyarkirin ku Lubnan ji ber teqînên di cihazên pêwendiyê û bêtelan de xwe amade dike ku giliyê Konseya Ewlekariyê ya Neteweyên Yekbûyî bike.
Piştî van êrîşan Lubnanê biryar da ku di asta Neteweyên Yekbûyî de bikeve tevgerê.
Banga nasrallah a ji bo şerê li dijî Îsraîlê: Em amade ne
Li aliyê din liderê Hizbullahê Hesen Nasrallah ji bo cara yekê piştî teqînên cihazên pêwendiyê û bêtêlan yên li Lubnanê axivî.
Nasrallah anî ziman ku wan ev 11 meh in amadekariya şerê bi Îsraîlê re kirine.
Liderê Hizbullahê teqez kir ku heya şerê li Xezayê ranewestê ew ê têkoşîna xwe ya li dijî Îsraîlê nedin sekinandin.
Nasrallah: Bi van teqînan re xetên sor hatine derbaskirin
Nasrallah diyar kir ku ew ê “ketina artêşa Îsraîlê ya li ser sînorê Lubnanê wek firsendekê binirxînin” û da zanîn ku ew ji şer re amade ne.
Her wiha Nasrallah derbarê teqînan de anî ziman ku Îsraîlê bi van teqînan re hemû xetên sor derbas kiriye.
Di dema axaftina Nasrallah de balafirên Îsraîlê li ser Beyrûtê firiya
Ji aliyê din ve Dema Nasrallah ev daxuyanî dida, balafirên şer ên Îsraîlê li ser paytext Beyrûdê hatin dîtin.
Balafirên ku bi leza zêde diçûn bû sedema pêlên dengan.
Di heman demê de li ser xeta sînor di navbera Hizbullah û leşkerên Îsraîlê de pevçûn derket.
Artêşa Îsraîlê ragihand ku di encama êrîşa yek bi dron û yê din jî bi moşekeke dijî tankê de 2 leşker hatin kuştin.
