Hiqûqnasên kantona Tebqayê destnîşan kirin ku dewleta Tirk a dagirker di mijara mafê hêviyê de durûtiyê dike û Rêber Apo ji mafên wî yên herî sereke bê par dihêle û gotin:
“Êdî her kes bi tevahî lîstokên Tirkiyê hisyaye.
Em bang li civata navneteweyî dikin ku li hember van binpêkirinê Tirkiyê bêdeng nemînin û van binpêkirinan ji cîhanê re eşkere bikin.”
Dewleta Tirk a dagirker pergala êşkence û qirkirinê li dijî Rêber Apo didomîne, bêyî ku girîngiyê bide qanûn û peymanên navneteweyî yên mafên mirovan.
Her wiha ew hevdîtinên wî bi parêzer û malbatê re qedexe dike û hemû daxwazên serlêdanê red dike.
Hiqûqnasên kantona Tebqayê destnîşan kir ku bêparhiştina ji mafê hêviyê hemû peymanên navneteweyî yên ku dewleta Tirk a dagirker bi xwe îmze kirine, binpê dike.
Hiqûqnas Şadî El Îbrahîm diyar kir ku li gorî Dadgeha Mafên Mirovan a Ewropayê qanûnek bi navê qanûna ‘mafê hêviyê’ heye û ew ji aliyê gelek dewletan ve hat danîn û erêkirin, di serî de Tirkiye û got:
“Tirkiyê hewl dide xwe li ber çavê cîhanê û raya giştî wek piştgirê mafên mirovan nîşan bide.
Durûtiya dewleta Tirk di mijara mafê hêviyê de eşkere ye.
Li gorî qanûnê Rêbertî hemû merc pêk anîne, wî 20 sal di girtîgehê de derbas kirine û temenê wî 70 sal derbas kiriye.”
“Êdî cîhan bi tevahî lîstokên Tirkiyê nas dike”
El Îbrahîm destnîşan kir ku dewleta Tirk a dagirker hewl dide bi rêya “cezayên dîsîplînî” yên ku her demekê ew wan dirêj dike, dek û dolaban bide meşandin û ji mafê hêviyê bireve û wiha ani ziman.
“Êdî her kes bi tevahî lîstokên Tirkiyê hisyaye.
Em bang li civata navneteweyî dikin ku van binpêkirinan ji cîhanê re eşkere bike.”
“Tirkiyê qanûnên navnetewî binpê dike, cîhan bêdeng e”
Hiqûqnas Ehmed El Xidir jî anî ziman ku cezayê muebbetê bêyî ku li gorî tu qanûnan were berdan, madeya 3’yan a Peymana Mafên Mirovan a Ewropayê binpê dike û got:
“Li hember vê jî bêdengiyek navnetewî heye.
Madem ku mafê azadiyê yê Rêbertî li gorî qanûnê heye, çima ev bêdengî?”
Ebdulhemîd El Xemrî jî bang li aliyên hiqûqî û qanûnî kir ku doz û daxwazên ji bo rêxistina mafên mirovan zêde bikin da ku qanûna mafê hêviyê were pêkanîn.
Xelkê Tebqayê pergala îşkence û qirkirinê li ser Rêber Abdullah Ocalan şermezar kir
