Roj bi roj hejmara kesên ku ji Lubanên tên herêmê zêde dibe.
Maseya Krîzê a Rêveberiya Xwerser eşkere kir ku hejmara kesên ku ji Lubnanê hatine herêmê derket 18 hezar û 546’î.
Heyva Sor a Kurd ji bo alîkariya gelê Lubnanê 2 konên alîkariyê li Kobanê û Eyn Îsa ye vedan.
Her wiha li her du bendên kontrolê yên di navbera Hikumeta Şamê û Rêveberiya Xweser de jî ambûlans hatine amadekirin.
Hîn jî hatine xelkên Sûrî û Lubnanî ber bi herêmên Rêveberiya Xweser ve dewame.
Maseya krîzê ya Rêveberiya Xweseriya Demokratîk a têkildarî kar û barên kesên ji Lubnanê tên herêmê, ragihand ku heta niha 18 hezar û 546 kes gihaştine herêmên Bakur û Rojhilatê Sûriyê.
Kesên ji Lubnanê tên an di malên xwe de yan jî li gel xizmên xwe bi cih dibin.
Kesên mal û xizmên wan li herêmê tune bin jî Rêveberiya Xweser ji wan re navendan dabîn dike.
Nûnertiya Rêveberiya Xweseriya Demokratîk a Lubnanê û Weqfa Çandî û Civakî ya Newroz bi sûriyên ji herêmên Bakur û Rojhilatê herêmê ku dixwazin vegerin re, mijûl didin.
Li Efrîn-Şehba ji bo pêşwazîkirina xelkê ji Lubnanê vedigerin komîteyek hat avakirin
Meclîsa kantona Efrîn û Şehba ji bo pêşwazîkirina xelkê ku ji Lubnanê koçber dibe komîteyek avakirin û dest bi amedekirina cihê wan dikin.
Zêdetirî 170 malbat bi riya rêveberiya xweseriya derbasî herêma Şehbayê bûne.
Li ser mijarê, Hevserokê Komîteya Qaziqilî Mihemed axivî û wiha got:
“Li kampa Serdem a girêdayî navçeya Ahdas amadekirina 20 çadir hate kirin.
Her wiha li kampa berxwedan jî ev yek tê kirin.”
Heyva Sor a Kurd ji bo penaberên Lubnanê seferber bûye
Li aliyê din gelek sazî û dezgeh serferber bûne û yek ji wan jî Heyva Sor a Kurd bû.
Heyva Sor a Kurd li gelek derverên herêmê dest bi komkirina alîkariyan kirin.
Di vê çarçoveyê de, li Kobanê Heyva Sor a Kurd konê alîkariyê li qada Jina Azad vekirin, xelk berê xwe didin kon û ji bo penaberan alîkariyê pêşkêş dikin.
“Em ê ji bo penaberên Lubnanê gelek xebatan bimeşînin”
Endamê Beşa Lezgîn a Heyva Sor Ebdî El Elî diyar kir ku ew ê ji bo gelê Lubnanê gelek projeyên din amade bikin.
“Em ji bo her cure alîkariyê amade ne”
Nisrîn Şêxo jî anî ziman ku weke endamên Heyva Sor ew ji bo her cure alîkariyê, amade ne.
