Koçberên Serêkaniyê ji ber kiryarên çeteyên dewleta Tirk a dagirker nikarin vegerin warê xwe.
Çeteyên Tirkiyeyê mal û milkên wan desteser kirine û nadin wan.
Koçberekî Serêkaniyê got mala wî kirine koxika ajalan û destûr nadin ku ew vegere mala xwe.
Koçberê bi navê Ebû Îbrahîm di cejna remezanê de çûbû gundê xwe.
Xwestiye binêre çi bi mal û milkên wî hatiye.
Ebû Îbrahîm dema diçe gundê xwe dibîne ku erdê wî yê hezar û 500 donim hatiye çinîn.
Ebû Îbrahîm diyar kir ku erdê wî di destê çeteyan de ye û got:
Erdê min di destê çeteyekî de ye û ew ji bajarê Helebê ye.
Dema min erdê xwe xwest , ji min re got wî erdê min ji komekê kirê kiriye.
Ebû Îbrahîm anî ziman ku çi qasî mafê xwe xwestiye kesekî bersiva wî nedaye û got:
“Min xwe gihand kesên ku destê xwe danîne ser erdê min û min got ez xwediyê erd im.
Ji min re gotin tu mafên te nîn in tu tiştekî ji me bixwazî û wan erd ji koman kirê kirine.”
Ebû Îbrahîm diyar kir ku destûr nedanê ku derbasî mala xwe bibe .
Bi gotina wî mala min kirine koxa ajalan. Hemû kel û pelên me dizîne.
Min ji wan xwest mala min vala bikin, lê belê qebûl nekirin ku vala bikin.”
