Li got Serokê DYA dibe danûstandinên bi Îranê re heta dawiya hefteyê encam bide.
Meclîsa Nûneran a DYA jî biryarek ku daxwaza bidawî anîna operasyonên leşkerî yên li dijî Îranê dike, derxist.
Îsraîl û Libnanê jî li ser bicihanîna agirbesteke mercdar li hev kir ku Amerîkayê navbeynkariya wê kiriye.
Lê çend saet piştî ragihandina agirbestê, balafirên bêmirov ên Îsraîlê başûrê Lubnanê bombebaran kir.
Serokê DYA Donald Trump, ragihand ku dibe danûstandinên bi Îranê re heta dawiya hefteyê encam bide.
Kongreya DYA jî biryareke ne derbasdar li dijî şer derxist. Serokê DYA’yê Donald Trump, got :
Danûstandinên bi Îranê re bi awayekî erênî pêşve diçin û dibe ku dawiya vê hefteyê lihevkirinek çêbibe.
Li Meclîsa nûneran biryara dijî şer derket
Meclîsa Nûneran a DYA biryarek ku daxwaza bidawî anîna operasyonên leşkerî yên li dijî Îranê dike, derxist.
Lê belê, ji ber hêza vetoyê ya Serok, ev biryar ne derbasdar e.
Ji Tehranê hişyariya şer
Wezîrê Karûbarên Derve yê Îranê Abbas Arakçî, ji televîzyona El Meyadîn a Libnanê re got:
“Di danûstandinan de hîn pêşketinek berbiçav çênebûye.”
Li Libnanê agirbesta lewaz
Lihevkirinek li ser pêkanîna agirbestek di navbera Îsraîl û Libnanê de hat ragihandin.
Aliyan li hev kirin ku hin deverên pîlot di bin kontrola artêşa Libnanê de ava bikin.
Lê belê, pêkanîna peymanê bi şertê rawestandina êrişên Hizbullah ve girêdayî ye.
Lê, Hizbullah hevdîtin red kir û ragihand ku ew ê êrişên xwe yên li dijî hedefên Îsraîlê bidomîne.
Trump, dibêje ku divê pirsgirêkên Libnan ji ya Îranê cuda were destgirtin.
Lê Tehran jî diyar dike ku herdu pirsgirêk bi hev ve girîdayî ne.
Nakokiya li ser bernameya nûkleerî
Yek ji mijarên herî girîng ên di hevdîtinan de hîn jî depoyên uranyûma dewlemendkirî yên Îranê ne.
DYA û Îsraîl îdîa dikin ku Îran hewl dide çekên nukleerî pêş bixe, lê Tehran van îdiayan red dike.
Wezîrê Karûbarên Derve yê DYA Marco Rubio, têkildarê mijarê got:
“Îranê hîn daxwazên Washingtonê qebûl nekiriye.”
Li Kendavê rageşî zêde dibe
Êrişên dawî yên li dora Tengava Hurmizê, agirbesta ku di 8’ê Nîsanê de ketiye meriyetê dixe tengasiyê.
Ji ber zêdebûna rageşiya li herêmê, bihayên petrolê dîsa bilind bûne.
Kuweytê Îran bi êrişa li ser balafirgeha xwe sûcdar kir.
Lê belê, Îranê îdia kir ku wan li hedefên leşkerî xistine, ne balafirgeh.
Rayedarên Kuweytê, diyar kirin ku welat bi 13 fuzeyên balîstîk û 17 dronaneyan hatiye hedefgirtin.
Çav li daxuyaniya Xameneyî ye
Trump, got ku ew dixwaze bi Mucteba Xameneyî re, ku wekî rêberê olî yê Îranê tê hesibandin, bicive.
Çav li rêye ku Xameneyî di salvegera mirina damezrînerê Komara Îslamî ya Îranê Ruhullah Xameynî de daxuyanî bide.
