Hêzên Ewlekariya Navxweyî Natoro ku navçeya Til Temirê diparêzin, destnîşan kirin ku dewleta Tirk û çeteyên wê sivîlên li herêmê dikujin.
Hêzên Natoro destnîşan kirin ku wê heta dawiyê xaka xwe ji êrîşên dewleta Tirk biparêzin.
Hêzên Ewlekariya Navxweyî Natora ji 9’ê Cotmehê ve li dijî êrîşên dewleta Tirk a dagirker di êniyên şer de ne.
Hêzên Natora destnîşan kirin ku wê bi her awayî bersiva êrişên dagirkeriyê bidin û xaka xwe biparêzin.
Nînûs Xelîl Werda ku 5 sal in di nava Hêzên Ewlekariya Navxweyî Natora de cîh digire da xuyakirin ku çeteyên DAIŞ’ê ku beriya niha şerê wan dikirin niha tevî dewleta Tirk êrişî bajarê wan û herêmê dikin.
Nînûs Xelîl diyar kir ku ji bo xaka xwe ji çeteyên DAIŞ’ê paqij bikin gelek şehîd dane û ew ê ji niha û pê ve jî li dijî êrîşên dewleta Tirk û çeteyên wê li ber xwe bidin.
Nînûs Xelîl destnîşan kir ku dewleta Tirk bi îdîaya ku şerê li dijî terore dike sûcên xwe yên şer vedişere û got, “Çeteyên Artêşa Azad û Artêşa Niştimanî a Sûriye” bi xwe terorîst in.
Endama Hêzên Ewlekariya Navxweyî Natora Henan Xuşaba jî ragihand ku hêzên wan tenê bi parastina Til Temir re sînordar namînin û di çarçoveya peymana bi hêzên asayîşê re li herêmê dewriyeyan jî pêk tînin.
Henan destnîşan kir ku ew xaka xwe ji dewleta Tirk a dagirker û çeteyên wê diparêzin û diyar kir ku ji ber weke jineke Asûrî xaka xwe diparêze serbilind e.
Henan bal kişan ser êrîşên dewleta Tirk a li dijî sivîlan û diyar kir ku dewleta Tirk jin û zarok her kesî hedef digire.
Henan Xuşaba anî ziman ku ev êrişên dewleta Tirk yên li dijî gelên Bakur û Rojhilatê Sûrî tên kirin komployeke navneteweyî ye û hêzên navneteweyî hevkariyê bi dewleta Tirk re dikin.
Henan Xuşaba destnîşan kir ku ew nahêlin ku dewleta Tirk a dagirker bikeve herêmê û wê heta dawiyê li ber xwe bidin.
