Li Efrîkaya navîn û Rojava ji ber bandora lehiyê 10 milyon zarok ji perwerdeyê bê par mane.
Rêxistinên mirovî bang li xêrxwazan dike ku alîkariyê bidin kesên ji karesatan bandor bûne.
Li aliyê din ji ber bandora Bahoza Helene li hin eyaletên Amerîkayê 92 kes winda bûne.
Rêxistina sivîl Save The Children ku navenda wê li Îngilîstanê ye duh di daxuyaniyekê de hişyarî dabû ku ji ber lehiyên mezin ku herêm wêran kiriye, li Rojava û Afrîkaya Navîn 10 milyon zarok ji xwendinê bêpar mane.
Rêxistina mirovî bang li xêrxwazan kir ku alîkariyê bidin kesên ji karesatan bandor bûne.
Di daxuyaniyê de hat diyarkirin ku ji ber lehiyê nêzî milyonek kes koçber bûne.
Li gor amarên UNESCO, 10 milyon zarokên ku ji ber van lehiyan ji xwendinê bêpar mane, zêde ji 36 milyon zarokên ku ji ber şer û hejariyê li welatên xwe ji xwendinê bêpar mane, ji wan zêdetirî 21 milyon zarok tenê li Nîjeryayê.
Li DYA’yê ji ber bahoza Helene 92 kes winda ne
Li aliyê din li Amerîkayê bandora bahoza Helene didome.
Li eyaleta Karolînaya Bakur a Amerîkayê ku ji ber bahoza Helene ku zêdeyî 230 kesan jiyana xwe ji dest dabûn.
Waliyê Karolînaya Bakur Roy Cooper (ROY KUPIR) di civîna çapemeniyê de der barê bahoza Helene ya ku nêzî 3 hefte berê bandor li eyaletê kiribû de daxuyanî da.
Roy Cooper diyar kir ku rayedarên herêmî û Parastina Neteweyî xebatên lêgerîn û xilaskirinê didomînin.
Cooper, diyar kir ku li eyaleta ku ji ber bahozê lê ketiye hê jî 92 kes winda ne û got: “dibe ku di rojên pêş de ev hejmar zêde bibe.”
Bahoza Helene bandor li 5 eyaletên DYA’yê kir
Her wiha tê texmînkirin ku li eyaleta Karolînaya Bakur ji ber bahoza Helene zêdetirî 100 kes mirin.
Navenda Bahoza Neteweyî ya Amerîkayê ragihand ku bahoza Helene di 26’ê Îlonê de bi leza nêzîkî 225 kîlometran li peravên bakurê rojavayê Florîda ket.
Bahoza di demeke kin de bandor li Georgia, Virginia, Karolînaya Bakur û Başûr, Tenîsî kir.
Li Florîda ya ku bahoz cara ewil lê ket, li zêdetirî 1,2 milyon mal û cihên kar, li Georgiya 1 milyon, li Karolînaya Başûr 1,3 milyon û li Karolînaya Bakur jî 600 hezar mal û cihên kar elektirîk qut bûn.
Serokê Amerîkayê Joe Biden (co baydin) li Florida û Karolînaya Bakur “rewşa karesatê” ragihand û ferman da “alîkariya federal” ji bo kesên ji bahozê bandorek neyînî dîtine.
