Ji ber şerê Lubananê bi hezaran ji Sûriyê li Lubnanê û gelê Lubnanê hatin Bakur û Rojhilatê Sûriyê.
Kesên ku hatine herêmê diyar kirin ku vegera bi rêya însiyatîfa Rêveberiya Xweseriya Demokratîk vebijêrka herî guncaw e û spasiya Rêveberiya Xweser kirin û gotin:
“Ya xwedî li me derket û li kêleka me sekinî Rêveberiya Xweser bû.”
Ji ber şerê Lubananê bi hezaran ji Sûriyê li Lubnanê û gelê Lubnanê hatin Bakur û Rojhilatê Sûriyê.
Ji bo pêşwazîkirina wan Rêveberiya Xweser maseya krîzê ava kiriye.
Li gorî maseya krîzê 19 hezar û 754 kes gihaştine herêmê.
Maseya krîzê jî xebatên tenduristiyê û xwarinê pêşkêş dike û cih ji wan re peyda dike.
Hin kesên ji Lubnanê hatine herêmê derbarê mijarê de ji ajansa ANHA re axivîn.
Mehmûd El Mihemed ê ji bajarê Hecînê ku ji Lubnanê vegerya ye, spasiya Rêveberiya Xweser kir û got:
“Ya xwedî li me derket û li kêleka me sekinî Rêveberiya Xweser bû.
Me pêşwaziyek wisa texmîn nedikr.
Ev der ji bo me cihê herî ewle ye.”
El Mihemed anî ziman ku wan li ser sînorê Sûriyê gelek zehmetî kişandin û wiha domand:
“Dema em gîhan vir me zehmetiyên rê ji bîr kir.
Em bi awayekî germ hatin pêşwazîkirin.
Komîn û meclisa xwecih, daneyên malbatê wergirtine ji bo ku ji wan re nan û sotemeniyê peyda bikin û heta zarokên wan di dibistanên Hecînê de qeyd kirine.”
“Dema em gîhan deriyê Tebqayê me xwe ewle hîs kir”
Salih El Mihêmîd jî ji rojhilatê Dêra Zorê ye û mîna El Mihemed piştî şerê Îsraîlê ji Lubnanê vegeriye herêmê.
El Mihêmîd diyar kir ku ew 4 rojan li çolê man û ev yek anî ziman:
“Em rastî gelek zor û zehmetiyan hatin.
Dema em gîhan deriyê Tebqayê me xwe ewle hîs kir.
Rêveberiya Xweser alîkariya me kir.”
“Berovajî sînorên Sûriye-Lubnanê tu astengî tune bûn”
Meryem El Xalid jî a ji Lubnanê bi malbata xwe re vegeriyaye destnîşan kir ku wan ji bo sînorên Lubnan-Sûriye derbas bikin 100 dolar dane û got:
“Di rê de û li bendên kontrolê yên hêzên hikumeta Şamê gelek pere ji me distendin.
Dema em gihaştin deriyê Tebqayê hêviya me mezin bû.”
Nêzî 19 hezar kes ji Lubnanê vegeriyane Herêma Bakur û Rojhilatê Sûriyê
