Endama Konseya Serokatiya Giştî ya KCK’ê Zilar Stêrk tevlî bernameyeke taybet a Telvezyona Medya Haberê bû û komploya li dijî Rêber Apo û rola wî di çareseriya pirsgirêkan de nirxand.
Zilar Stêrk got:”Divê bingeha diyaloga bi Rêber Apo re ava bibe”
Endama Konseya Serokatiya Giştî ya KCK’ê Zilar Stêrk tevlî bernameyeke taybet a Telvezyona Medya Haberê bû û Kompoya li dijî Rêber Apo, berxwedana wî ya li hember vê pergala qirkirinê û rola wî ya di çareseriya pirsgirêkan de nirxand.
Zilar Stêrk: Armanca komployê tunekirina Rêber Apo ya fîzîkî bû
Zilar Stêrk destpêka axaftina xwe bal kişand ser komploya li dijî Rêber Apo û wiha got:
“Di ser Kompoloya Navneteweyî re 26 sal derbas bûn, di van 26 salan de Rêber Apo li êşkencexaneya Îmraliyê têkoşîneke bêhempa meşand.
Armanca sereke ya vê komployê tunekirina Rêber Apo ya fîzîkî bû.
Rêber Apo bi aqilekî stratejîk tevgeriya û girêdayî vê yekê ji qada Rojhilata Navîn derket û armanca komployê pûç kir.
Zilar Stêrk: Rêber Apo li hember pergala qirkirinê ya Îmraliyê li ber xwe dide
ZILAR STÊRK diyar kir ku ev 26 sal in Rêber Apoli Îmraliyê li hemberî pergala êşkence û qirkirinê ber xwe dide û ev yek anî ziman:
“Rêber Apo şoreşeke zîhniyetê ya mezin pêk anî. Helbet ev bi pêvajoya Îmraliyê neda destpêkirin. Beriya Îmraliyê jî Rêber Apo tim weke îdeolojîk, paradîgmayî û rêxistinî di nava kûrbûnên mezin de bû.
Lê belê şert û mercên şer û pirsgirêkên li pêşiya rêxistinê û rojev li pêşiya vê yekê hinekî asteng bûn. Weke Rêber Apo anî ziman li Îmraliyê yanî şert û mercên destgirîyê ev şert û mercên esaretê berovajî kirin.
Zilar Stêrk: Peyama Kurdan; Ciwan fedaiyên Rêber Apo ne
Zilar Stêrk da zanîn ku divê bingeha diyalogê ya bi Rêber Abdullah Ocalan re were ava kirin û wiha pê de çû:
“Devlet Bahçelî yê faşîst di axaftina xwe ya li meclîsê de bang li Îmraliyê kir.
Li holê hevdîtinek bi Îmraliyê re nîne, hûn çawa dikarin bang li Îmraliyê bikin? Bang li Îmraliyê dike û dibêje bang li tevgerê bike.
Dibêje bila rêxistina xwe tasfiye bike. Ma ev tevger qediya ye?
Kurdan peyama xwe ji Amedê pir zelal dan.
Gotin “Ciwan fedaiyên Rêber Apo ne” û “Bê Serok Jiyan Nabe.”
Eger hûn ê bang li Îmraliyê bikin divê hûn bingeha hevdîtin û diyaloga bi Îmraliyê re ava bikin.
Zilar Stêrk: Divê Jin bibin yek û li hember vê sîstemê derkevin
Endama Konseya Serokatiya Giştî ya KCK’ê Zilar Stêrk di dawiyê de ev bang li jinan kir:
“Li ser jinê êrişeke mezin heye. Pêwîste gel, civak, hem gelê Kurdistanê hem jî civaka Tirkiyeyê li dora vê bibin yek, rabin ser piyan
Divê hemû jinên Kurdistan û Tirkiyê dest bidin hev û li dijî vê sîstemê têkoşînên rêxistinbûyî yên hevpar xurt bikin.”
