Şerê Îsraîl û Hizbullah ev 39 rojin bi awayekî dijwar diqiwimî e.
Piştî kuştina 2 hezar û 822 kes û birîndarbûna 12 hezar kes niha beha agirbestê ji aliyê Amerîka ve tê kirin.
Tê pêşiniyar kirin ku wê agirbestek du mehan di navbera her du aliyan de pêk were.
Lê Îsraîl dibêje divê çekdarên Hizbullah çekên xwe bi temamî deyîne û ji başûrê welat vekişe.
Li şûna wan wê hêzên Hikumeta Lubnanê bi cih bibe.
Ji bo rawistandina şer ev demek bû ku şandeya Amerîkî bi nûnertiya Amos Hockstein serdana Lubnan û Îsraîlê dikir.
Piştî demekê ji van serdanan niha tê pêşiniyarkirin ku agirbest li Lubnanê pêk were.
Du berpirsên Amerîkî ji malpera Axios destnîşan kirin ku di van 24 seatên dawî de danûstandina agirbesta şerê Îsaîlê û Lubnanê bi encam dibe.
Lê ji bo vê gavê hefteyek ji artêşa Îsraîlê re divê ku ji nava axa Lubnanê derkeve û du meh divên ku ev pêşiniyar bi giştî li ser erdê pêk bê.
Piştî vekişandina artêşa Îsraîlê, wê li şûna wan hêzên Lubnanê bêne bicihkirin.
Tê payîn wê artêşa Lubnanê li Başûrê Lubnanê bi cih bibe
Tê payîn ku nêzîkî 10 hezar leşkerên Libnanî li ser sînor werin bicihkirin.
Her wiha hemû çekên di destê Hizbullahê li başûrê Lubnanê werin desteserkirin.
Di heman demê de tevger û veguhestina Hêzên UNIFIL’ê were hêsan kirin.
Her wekî her du berpirsan tekez kirin ku Washington ji gava agirbestê bawere ku wê pêk were.
Agirbesta ku wê du meh dirêj bike 5’ê mijdarê pêk were
Li aliyê din Serokê Mecilisa Wezîran ya Hikûmeta Necîb Mîqatî diyar kir ku piştî danûstandinan tê payîn ku ev agirbest 5 Mijdarê pêk were.
Necîb Mîqatî teqez kir ku heta ji destê wan bê ew ê vê yekê pêk bînin.
Li aliyê din desteya weşanê ya Îsraîlê belgeyek ji naveroka vê pêşiniyarê belav kir.
Li gorî wê hemû şer, êrîş û kuştina li Lubnanê bi dawî dibe.
Ji bo vê yekê jî wê Hikumeta Lubnanê berpirsiyar be ku vê yekê li başûrê welat pêk bîne.
Her wiha artêşa Îsraîlê wê bi garantiya DYA’ê di vê hefteyê de tevbigere heya ku bi giştî ji başûrê Lubnanê vekişe.
Di naveroka belgeyê de tê bi bîrxistin ku divê her du alî pabendî biriyara 1701’ê ya Mecilsa Ewlekarî ya NY’î ku di şerê Îsraîl û Hizbullah yê 2006’an hate îmzekirin.
Artêşa Îsraîlê bang li xelkê 10 gundên Başûr kir ku malên xwe vala bikin
Tevlî vê yekê jî şer heta niha ranewestiya ye.
Artêşa Îsraîlê bang li xelkê 10 gundê başûrê Lubnanê kir ku dimildest ji gund derkevin.
Di nava van gundan de kampa El-Reşîdiya ya penaberên Filistînî ya li devera Siwer jî heye.
Artêşê idîa kir ku vê sibehê Fermandar tanqan yê Hizbullahê Mihemed Xelîl Eliyan kuştine.
Li bajarokê Xeyam hîn jî şer di navbera Hizbullah û artêşa Îsraîlê de diqewim.
Şeva derbasbûyî jî Îsraîlê derdora bajarokê El-qelî’a û Burc El-Milûk topbaran kirin.
Bi vê yekê jî balafirên şer yên Îsraîlê jî ji asîmanê Başûr bê navber digeriya.
Li Bealbek di encama êrîşên Îsraîlê de 19 kes hatin kuştin
Wezareta Temduristiyê ya Lubnanê ragihand ku di encamê êrîaşên li ser bajarê Be’lebek de 19 kes hatin kuştin
Her wiha li gundê Bêyît Silîbî 11 kes hatin kuştin.
Li gorî heman Wezaretê 830 kes ji ber şerê heyî ji welat koçber bûne.
Bi vê yekê ji destpêka şer heya niha 2 hezar û 822 hezar kes hatin kuştin û 12 hezar kes jî birîndar bûne.
