Yek ji du gerîlayên li hemberî TUSAŞ’ê çalakiya fedaî kir Asya Alî beriya çalakiyê ji Rêber Apo, hevrêyên xwe, jinên PAJK’î, gel re name nivîsî û rapora çalakiyê amade kir.
Asya Alî diyar dike ku ev çalakî çalakiya rexnedayîna li hemberî Rêber Apo yê.
Di heman demê de Fedaiya nemir diyar dike ku dive li dora Rêber Apo bibin xelekek û destên wî bihêz bikin.
23’yê Cotmeha 2024’an endamên Tabûra Nemiran şehîd Asya Alî û Rojger Hêlîn li hemberî navenda hilberandina çekan TUSAŞ’ê, çalakiyeke fedaî pêk anîbûn.
Yek ji Fedaiyê çalakiya Enqereyê Asya Alî beriya çalakiyê xwe name ji Rêber Apo, gerîla, jinan, gel û malbata xwe re nivîsî.
“Ji yekpareya hemû nirxan Rêber Apo re”
Fedaiya çalakiya Enqereyê Asya Alî bi van gotinan xitabî Rêber Apo dike:
“Serokê min, ez dizanim ku hûn wekî kesê ku gelekî qîmetê dide mirov û jiyanê li dijî çalakiyên bi vî awayî ne. Lê ez bi xwe spartina bextê we re pêwîste diyar bikim ku, kî an jî kîjan hêz ji we re an jî qadên azadiyê, ku we ava kiriye re destê xwe dirêj bike bila bike, em ê jî di dil û mêjiyê wan de bibin bombe û biteqin. Em ji van qadên ku me rojên herî watedar a jiyana xwe lê derbas kirin û ji we re, herî kêm ewqasî deyndar in.”
Ji hevrêyan hemûyan re
Fedaiya nemir hestên li hemberî hevrêyên xwe jî wiha tîne ziman:
“Ez nizanim ez ê hîna çend caran werim dinyê, lê ez hêvî dikim ku di her jiyanê de careke din PKK bibînim, careke din bibim hevrêya we. Ez ji dil bawer dikim ku hûnê heya dilopa dawî ya xwîna xwe vê jiyanê biparêzin, ji hemû hevrêyên ku min bi awayekî têkoşîna wan neynî bandor kir re rexnedayîna xwe didim û di şerê we de serketinê dixwazim. Wekî Şehîd Ekîn jî gotibû ‘Her tişt ji bo hevdîtina mezin e’…”
Ji bo jinên sewda yên PAJK’ê
Ji bo hevrê yên xwe yê jin jî Fedaiya nemir Asya Alî diyar dike ku bi wan re jiyan kirin rûmet û dilbakbûne.
“Belê hevrêyên xweşik, di şerê ku jin, li beramberî zîhniyeta zilam dide de, ku şerê herî dirêj û bênavber ê dîrokê ye, bi we re bûyîn, bi we re xwe gihandina hezkirina bêdawî û dilpakiya jinbûnê, bi we re jiyankirin, bi we re şerkirin, ji bo min bi qasî ku bi rûmet e, berpirsyartiye jî. Ez soz didim ku ez ê heya dawî li gorî berpirsyartiya ku bûyîna perçeyekî ji vê evîna civakî, bûyîna mîlîtaneke PAJK’ê bijîm û şer bikim.”
Ji gelê welatparêz ê Kurd re
Fedaiya Nemir Asya Alî di nameya xwe de ji gelê Kurd re jî vê peyamê dide:
“Gelê ku min di oxira wê de şer da ber çavên xwe ew gel e ku, dema ku hestiyên hevrêyên min ên şehîd ji dayîka wan re bi kargoyê re tên şandin, an jî bi çewalan ji destê bavê wî re tên dayîn, qiyametê radike, dema ku şervanên wê bi kîmyasalê re şehîd dibin dinyayê bi erdê re dike yek e. Hûn xwedî vê hêz û îradeyê ne, ji ber ku hûn bi dîtina her awayî wehşetê re, bi berxwedanê re, hatin heya van rojan.”
Şehîd Asya diyar dike eger ku her kes tiştê ku dikeve ser milên xwe bike, wê demê rojên ku em bi Rêbertiya xwe re govenda azadiyê bigerînin nêz bin.
