Li Endonezyayê teqîna Volkanê pêk hat û di encama vê yekê de 9 kes mirin.
Volkan ji hefteya borî vir ve her roj xweliyek bi rengê qehweyî bi qasî du hezar metreyan dibarîne.
Li aliyê din li Spanyayê hîna jî bandora lehiyê didome.
Hikumetê Spanyayê ragihand ku 10 hezar erkdarên din ên ewlehiyê sewqî herêma felaketê kirin.
Li gorî agahiyên destpêkê di teqîna volkanê ya ku li girava Flores a Endonezyayê pêk hat de 9 kesan jiyana xwe ji dest dan.
Li gorî Ajansa Îdareya Afatê ya Endonezyayê, li Çiyayê Lewotobî Lakî yê li Floresê ku yek ji giravên dûrî welêt e, teqîneke volkanîk pêk hat.
Çend mal, li gundekî nêzîk ku piştî teqînê bi herikîna lavayê gihîştibû şewitîn.
Di dema ku ji hefteya borî ve rêze teqîn li herêmê qewimîn, rayedaran rewşa hişyariyê ji bo Çiyayê Lewotobî Lakî derxist asta herî bilind.
Volkan ji hefteya borî vir ve her roj xweliyek bi rengê qehweyî bi qasî du hezar metreyan dibarîne.
Li Endonezyaya ku di bin erdhej û kembera volqan de ye, 130 volkanên çalak hene.
Li Spanyayê bandora lehiyê didome
Li Spanyayê hikumetê ragihand ku ji bo piştgiriyê bidin xebatên li vir 5 hezar leşker û 5 hezar polîs jî di nav de 10 hezar erkdarên din ên ewlehiyê sewqî herêma felaketê kirin.
10 hezar leşker û polîsên din derbasî Valencia bûn
Li gorî daneyên dawî, di karesata ku li herêma Valencia pêk hat de herî kêm 217 kesan jiyana xwe ji dest dan, gelek kes jî winda ne.
Serokwezîrê Îspanya Pedro Sanchez teqez kir ku 10 hezar hêzên leşkerî û polîsê yên ku behsa wan tê kirin mezintirîn veguhestina di dîroka welat de ye.
Tê payîn ku hejmara miriyan zêde bibe
Li aliyê din herêma ku av ji nişka ve rabû û veguherî lehiyê, lêgerîna kesên mirine yên di maşînên li otoparkan, qeraxên rê û di bin piran de li hev kom bûne û asê mane berdewam dike.
Tîmên lêgerîn û rizgarkirinê diyar kirin ku xebatên wan ên ku ketine roja şeşemîn hê jî berdewam dikin, lê şansê kesên bi saxî bên rizgarkirin kêm dibin.
Her wiha hat balkişandin ku ji bilî xebatên lêgerîn û rizgarkirinê, xebatên vekirina rêyên ku ji ber lehiyê hilweşiyane yan jî hatine girtin bi hemû leza xwe dewam dikin û bi vî awayî alîkariyan dikarin ji bo herêmên lehiyê bên veguhestin.
