Welatên hevalbendên Ukraynayê alîkariyên xwe yê leşkerî bo artêşa Ukraynayê didomînin.
Pentagon têkîldarî alîkariya leşkerî ragihand ku Amerîka ji sedî 67’ê pergala parastina hewayî radestî Ukraynayê kir.
Li aliyê din Ukrayna wê bi hevkarên navneteweyî re kapasîteya xwe ya îstîxbaratê berfireh bike.
Ji Nîsana 2024’an vir ve, dema ku Kongreyê fonên zêde ji bo Ukraynayê pejirand, Amerîka ji sedî 83 ji cebilxaneyên sozdayî, ji sedî 67 ji pergala parastina hewayî û ji sedî 60 ji kapasîteyên hêza agir radestî Ukraynayê kiriye.
Berdevkê Pentagonê Pat Ryder got,:
“Ji dema ku fonên zêde hatin qebûlkirin heta nîvê Cotmehê, me ji sedî 83 ji cebilxaneyên krîtîk ên soz dabûn ji depoyên xwe, di serî de topên 155 mm, cebilxane moşekên ji bo HIMARS, me radest kir.”
Pentagon wê di nav çend rojan an hefteyan de çekan ji stokên Amerîkî radest bike.”
Pat Ryder: Em ê alîkariyê bo Ukraynayê bidomînin
Ryder got:
“Me hema bêje radestkirina pergala parastina hewayî ya stratejîk ku me ligel hevalbend û hevkarên xwe soz da ku di civîna NATO’yê de pêşkêşî bikin, temam kiriye.”
Nûnerê Pentagonê diyar kir ku ji 12’ê Mijdarê ve, Amerîka derfeta wê hebû ku zêdetir ji 9 milyar dolar çek û alavên Ukraynayê pêşkêş bike.
Pat Ryder wiha domand:
“Em ê alîkariyê bidomînin. Ji bo ku Ukrayna li hemberî Rûsyayê bersivan bide fonên heyî bi kar bînin.”
Umerov: Ukraynayê peymaneke stratejîk îmze kir
Li aliyê din Ukrayna wê bi hevkarên navneteweyî re kapasîteya xwe ya îstîxbaratê berfireh bike.
Wezîrê Parastinê Rustem Umerov ragihand ku di warê satelaytên SAR de bi şîrketa sereke ya fezayê ya Fînlandiyayê re peymaneke girîng a stratejîk hat îmzekirin.
Rustem Umerov got:
“Bi saya vê peymanê, artêşa me wê bikaribe xwe bigihîne dîmenên satelaytê yên teqez ku bi tevahî qada şer vedihewîne.
Fermandarî wê karibe serbixwe deverên çavdêriyê yên pêşîn diyar bike, bi lez û bez daneyên nûjen bi riya pergala peykê werbigire.”
Li gor Umerov ev peyman bi saya piştgiriya hikûmeta Almanyayê û rêxistina Rheinmetall a ku aliyê peymanê ye pêk hatiye.
Umerov wiha domand:
“Ez ji bo alîkarî û baweriya hevkarên me spasdar im.
Bi pêşkêşkirina teknolojiyên pêşketî yên lêgerîna fezayê em avantajeke teknolojîk ava dikin ku bandora şer zêde dike û artêşa me diparêze.”
