Çeteyên DAIŞ’ê li Pakîstanê jî êrîş pêk anîn.
Li bajarê Kiwêta di teqîna çeteyên DAIŞ’ê de 15 kesan jiyana xwe ji dest da.
Li Pakîstanê li bajarê Kiweta ya herêma Belucîstanê di dema nimêjê de li mizgefteke teqîn pêk hat.
Di encama teqînê de 15 kes jiyana xwe ji dest dan û hin kes jî birîndar bûn.
Wezîrê Hindûrîn ê Hikûmeta Herêmê Diya Ellah Lango diyar kir ku teqîn bi awayekî xwekuj pêk hatiye.
Hat diyarkirin ku çeteyên DAIŞ’ê berpirsyariya teqînê girtine ser xwe.
