QSD’ê daxuyand ku şervanên wê Ferhad Dirbêsiyê (Rojhat Salih Omer) û Mazlûm Dirbêsiyê (Mehmûd Fayîz Ehmo) di berxwedana Bendava Tişrînê de şehîd bûne.
Navenda Ragihandinê ya Hêzên Sûriyeya Demokratîk (QSD) daxuyaniyeke nivîskî weşand û şehadeta 2 şervanan ragihand.
Di daxuyaniyê de hate diyarkirin: “Hevreyê me Ferhad Dirbêsiyê (Rojhat Salih Omer) û Mazlûm Dirbêsiyê (Mehmûd Fayîz Ehmo) piştî ku berxwedaneke mezin a li hemberî artêşa Tirk a dagirker û çeteyên wê raber kirin, li derdora Bendava Tişrînê şehîd bûn.
Hevreyê me Ferhad ji malbateke welatparêz e ku ji destpêka derketina tevgera azadiyê de têkoşînê dike.
Hevreyê me Ferhad ji zarokatiya xwe ve bi fikrên azadî û welatparêziyê ve bi bandor dibe, li ser vê yekê bi hêz û heyecan tev li refên hêzên me dibe.
Hevrê Ferhad beşdarî gelek dewreyên perwerdeyê bûn û pisporî û ezmûn bi dest xistin.
Ji ber vê yekê jî cihê xwe di nava Hêzên Komandos de digire. Weke pisporê vekirin û betalkirina mayinan, ji ber ezmûna wî ya demdirêj û bêhnferehiya wî, ji ber vê yekê jî hevlên wî pê serbilind bûn.
Hevrê Ferhad xwest beşdarî berxwedana parastina Bendava Tişrînê bibe.
Li wir berxwedanî kir ku hevalên wî jê re şahidî kir.
Bi hemû hêza xwe şer kir heta ku di şerê li dijî hêzên dewleta Tirk a dagirker û çeteyên wê gihaşt asta şehadetê.
Hevreyê me Mazlûm bi armanca parastina ax û gelê xwe tev li refên hêzên me bû.
Ew jî beşdarî dewreyên perwerdeyê bû. Di dema perwerdeyê de bi wêrekî û lehengiya xwe her tim li pêş bû û li meydanên şer xir pratîkê.
Hevrê Mazlûm di berxwedana parastina Serêkaniyê ya li hemberî dewleta Tirk a dagirker û çeteyên wê (2019) de şervanekî leheng bû.
Her tim bi tevger bû û sekn lê nebû. Hevrê Ferhad ku bê sebir li benda kêliyên rizgarkirina bajarên dagirkirî bû, di berxwedana parastina Bendava Tişrînê de hemû hêrsa xwe li hemberî dijmin vala dikir.
Heya gihaşt asta şehadetê bi hêz û heycaneke mezin li eniyên pêşîn şer dikir.
Bila serê malbatên her du şehîdan û tevahî malbatên şehîdên me sax be. Sonda me ya bi şehîdan re ew e ku em ê ala ku wan rakiriye û wekî emanet xisitine dest û stuyê me de bi mezinkirina têkoşîn û berxwedanê li ba bikin heya bi serkeftinê tacîdar bikin.”
Nasnameya Şehîdan
Nasnav: Ferhad Dirbêsiyê
Nav û paşnav: Rojhat Omer
Navê dayikê: Necah
Navê bav: Salih
Cihê jidayikbûnê: Dirbêsiyê
Cih û dîroka şehadetê: Bendava Tişrîn-Girê Syriatel, 21 Çile 2025
Nasnav: Mazlûm Dirbêsiyê
Nav û paşnav: Mehmûd Ehmo
Navê dayikê: Şemsa
Navê bav: Fayîz
Cihê jidayikbûnê: Dirbêsiyê
Cih û dîroka şehadetê: Bendava Tişrîn-Girê Syriatel, 21 Çile 2025.
