Kombûnan Jinan a Zenûbiya kuştina du zarokên keç li bajarê Minbicê yê dagirkirî şermezar kir û diyar kir ku bûyerên wiha çavkaniya xwe ji zihniyeta serdestiya mêr digrin.
Yekîtiya Jinên Ciwan a bajarê Reqayê jî kuştin û binpêkirina mafê jinan û zarokan şermezar kir.
Hefteya borî, kantona Minbicê ya dagirkirî du keç ser destê bav û birayên xwe hatin kuştin.
Kombûna Jinan a Zenûbiya ya bajarê Reqayê herêma Bakur û Rojhilatê Sûriyeyê, kuştina du zarokên keç bi daxuyaniyek şermezar kir.
Kombûnê eşkere kir ku bûyerên kuştina jin û zarokan li dijî hemû nifşan e û ev jî rasterast binpêkirina mafê jin û mirovan e û ev yek hat gotin:
“Kuştina jinan sûc e û ev jî çavkaniya xwe ji zihniyeta serdest digre.
Ev yek ji ber feraseta ku jinan ji mêran biçûktir dibîne û kirinên dermirovî rewa dibîne qewimiye.”
Kesên sûc dikin û ji ber nebûna ceza, bûyerên tecawiz û kuştinê li bajaran zêde bûne û bêdengiya jinan a li dijî sûcên li dijî wan tên kirin, dibin sedema zêdebûna van sûcan.”
Kombûnê bang li tevahî jinan kir ku li dijî van suc û binpêkirinan bisekinin û wiha bi dawî ki:
Divê zagonên ku cesaretê didin kiryaran bên guhertin û cezayên herî giran bidin faîlan.
Em dixwazin her cureyê cudakiriya li dijî jinan were rakirin.
Em bang li civaka navneteweyî, rêxistinên mafên mirovan dikin ku ji bo parastina zarokan rola xwe bilîzin û zextê li Tirkiyê bikin ku peymanên mafên mirovan bi cih bîne û zarok werin parastin.
Zarokên ku li herêmên di bin kontrola dewleta Tirk a dagirker de dijîn divê werin parastin û tundiya li dijî jinan were sekinandin.”
Yekîtiya Jinên Ciwan: Kuştin û revandina jinan li bajarê Minbicê nayê qebûlkirin
Yekîtiya Jinên Ciwan a bajarê Reqayê zêdebûna rêjeya kuştin û revandina jinan ya li bajarê Minbicê şermerzar kir.
Yekîtiya Jinên Ciwan têkildarî mijarê daxuyaniyek da.
Di daxuyaniya de ragihand ku li bajarê Minbicê ji aliyê komên çete yên girêdayî dewleta Tirk a dagirker her roj jin tên kuştin û revandin û got:
Em weke jinên Bakur û Rojhilatê Sûriyê sûcên ku li dijî jinan tên kirin red dikin.
Rêjeya sûcan bi awayekî metirsîdar zêde bûye.
Sûcdarên van sûcan nayên cezakirin û ev jî hîn bêhtir rê li ber tundiyê vedike.
Divê li hemberî kirinên dijmirovî yên li dijî jinê helwesteke rast ji aliyên peywendîdar were nîşandan.
Yekitiya Jinên Ciwan dawiya daxuyaniya xwe de bang li hemû jinan kir ku bi hev re xwe birêxistin bikin û têkoşîna xwe xurtir bikin.
