Tirkiye bûye navenda paşverûtiyê li Rojhilata Navîne.
Ew ji bo çewisandina tevgerên pêşvexwaz û demokratîk dixebite.
Bi gurkirina neteweperestiyê piştgiriyê dide rejîm û tevgerên olperest.
Her wiha Tirkiyê axa Iraq, Başûrê Kurdistanê û Sûriyê bi pilanên xwe yên qirêj dagir dike.
Tirkiye hewl dide li Rojhilata Navîn sînorên xwe berfireh bike.
Bi gotina ”Ez li hemberî PKK-Kurdan şer dikim” artêşa xwe li Iraq û Sûryê bi cih kir.
Beşeke mezin a Başûrê Kurdistanê di bin dagirkeriya leşkerî de ye û bi dehan navendên leşkerî ava kirine.
Xebatên Tirkiyê yên li Başûrê Kurdistanê û Iraqê bi yên hatine diyarkirin re sînordar nînin.
Li wir berê xwe daye Tirkmenan jî û wan di çarçoveya netewepestî û paşverûtiyê de perwerde û birêxistin dike.
Tirkmenan jî ji bo planên xwe yên li ser Kerkûk û Iraqê bi kar tîne.
Her wiha Başûrê Kurdistanê kiriye cihê bazara vekirî.
Dewleta Tirk piştî hilweşîna Rejîma BAAS’ê, li gel HTŞ’êli hev kir û li hemberî gelê Kurd û Rêveberiya Xweser dest bi êrîşan kir.
Tirkiyê li Sûriyê ji bo çewisandina tevgerên pêşvexwaz û demokratîk dixebite
Herêmên weke Şehba, Til Rifat û Minbîcê dagir kirin.
Lê belê êrîşên wê li Bendava Tişrînê hatin şikandin.
Armanca van êrîşên ku bi mehan e berdewam dikin, jiholêrakirina Rêveberiya Xweser û çewisandin û belavkirina gelê Kurd bûn.
Erdogan li Rojhilata Navîn piştgirî da komên olperest û berê xwe da wan. Piştgirî da Hamasê.
Ji ber vê yekê di navbera wê û Îsraîlê de rageşiyan rû dan.
Hewldana wê ya têkildarî bandorbûna HTŞ’ê ya li ser Sûriyê kir ku Îsraîl zêdetir aciz bibe.
Tirkiye bi zimanê xweşik li dora Îsraîlê ketiye.
Hakan Fîdan got ‘Em naxwazin bi Îsraîlê re werin pêşberî hev.’ Lê belê Îsraîl di van mijaran de bi awayekî zelal û bi biryar tev digere.
Dixwaze hemû binesaziya leşkerî ya Sûriyê ji holê rake û naxwaze artêşeke nû ya bihêz ava bibe. Di vê mijarê de pêşberî Tirkiyê ye.
Tirkiyê li Rojhilata Navîn serî li polîtîkayên berfirehbûnê dide.
Erdogan di çarçoveya îdeolojîk de weke HTŞ’ê û Îxwanvanan e.
Li hemberî dewletên cînar hêza xwe bi kartîne û leşkerên xwe bi cih dike.
Ji bo çewisandina tevgerên pêşvexwaz û demokratîk dixebite.
Bi gurkirina neteweperestiyê piştgiriyê dide rejîm û tevgerên olperest.
Bêdengmana wê ya li hemberî komkujiya li ser Elewiyan û di vê mijarê de piştgirîdayîna HTŞ’ê jî ji ber vê yekê ye.
