Gelê kantona Cizîrê û koçberên kantona Efrîn-Şehbayê ji bo ku tev li çalakî û berxwedana Bendava Tişrînê bibin, gihîştin bendavê.
Gelê Bakur û Rojhilatê Sûriyê ji bo parastina Bendava Tişrînê û şermezarkirina êrişên dewleta Tirk a dagirker û çeteyên wê çalakiya nobetê li bendavê didomîne.
Bi dehan şêniyên ji bajarên Til Temir, Dirbêsiyê, Zirgan, Til Birak, Şedadê, Hol û Hesekê û koçberên ji kantona Efrîn-Şehbayê ji bo ku çalakiya nobedê dewr bigirin vê sibehê ber bi Bendava Tişrînê ve bi rê ket.
Beriya çend kêliyan gelê Cizîrê û koçberên Efrîn û Şehbayê gihîştin Bendava Tişrînê û nobedê ji şêniyên Qamişlo, Amûdê, Tirbespiyê û Til Hemîsê ku ji 9’ê Nîsanê ve li bendavê ne, dewr bigirin.
