Meclisên Reqa û Dêrazorê yên Kombûna Jinan a Zenûbiya bi beşdariya nêzî 40 jinan, rûniştinên xwendina parêznameyên Rêber Abdullah Ocalan li dar xist.
Meclisa Kombûna Jinan a Zenûbiya ya li gundewarê Dêrazorê rûniştina xwendina parêznameya Rêber Abdullah Ocalan a bi sernavê “Manîfestoya Şaristaniya Demokratîk – Pirsgirêka Kurd û Çareseriya Neteweya Demokratîk” li dar xist.
Rûniştin bi beşdariya zêdetirî 20 jinên endamên meclis û desteyan û jinên ji herêmên cuda yên kantonê li Parka bajarê Hecînê hate lidarxistin.
Ji rêveberên Meclisa Kombûna Jinan a Zenûbiya Sefaa El Ehmed rûniştin bi rêve bir kir û bal kişand ser girîngiya perwerde û rahênana ramyarî ji bo bihêzkirina jinan û bihêzkirina rola wan di civakê de.
Endama Meclisa bajarokê Ebû Hemam a gundewarê rojhilatê kantona Dêrazorê Newal El Ehmed diyar kir ku ramanê Rêber Abdullah Ocalan dibe alîkar ku jinan der barê mijarên siyasî û civakî agadar bin û ji bo çarersekirina kêşeyên aloz ên herêmê xwedî rolek bi bandor bin.
Li bajarê Reqayê jî endamên Meclisa Kombûna Jinan a Zenûbiya ya Reqayê bi beşdariya 18 endamên kombûnê dest bi xwendina parêznameya Rêber Abdullah Ocalan kir.
Di rûniştinê de têgehên neteweya demokratîk, pirsgirêka Kurd û girîngiya rola jinan di têkoşîna ramyarî û siyasî de bi berfirehî hatin vegotin.
