Hevseroka TUHAD-FED’ê Pinar Sakik destnîşan kir ku girtiyên nexweş divê bêne berdan û got:
“Girtî di navbera jiyan û mirinê de li ber xwe didin.”
Pirsgirêkên tenduristiyê yên girtiyên nexweş yên ku li girtîgehên di rojeva parêzvanên mafên mirovan û rêxistinên hiqûqî de ne.
Li girtîgehan xizmeta pêvajoya tedawiyê giran e.
Gelek girtiyên nexweş ên ku divê bêne berdan hîn nehatine berdan.
Ji ber biryarên Saziya Tipa Edlî û Desteya Çavdêrî û Rêveberiyê, girtî bi hinceta raporên ‘girtî dikarin li girtîgehê bimînin’ têne ragirtin.
Ji ber van biryaran gelek girtî nikarin bêne dermankirin û nexweşî jî hîn bêhtir li wan giran dike.
Piştî ku parlamenterên DEM Partiyê Gulistan Kiliç Koçyîgît û Sezaî Temellî bi Wezîrê Edaletê Yilmaz Tûnç re hevdîtin kirin, mijara girtiyên nexweş careke din kete rojevê.
Li gorî daneyên Komeleya Mafên Mirovan (ÎHD) li girtîgehên li Tirkiye û Kurdistanê 651 ji wan giran bi giştî hezar û 517 girtiyên nexweş hene.
Li gorî daneyên Wezareta Edaletê di 11 mehên destpêkê yên sala 2024’an de li girtîgehan 709 girtiyên nexweş jiyana xwe ji dest dan.
Beşek ji van girtiyên jiyana xwe ji dest dan di nava raya giştî de nehate bihîstin, tenê ji sedî 4.5 ê bûyeran di çapemeniyê de hatin weşandin.
Di rapora sala 2023’an a ÎHD’ê de hate gotin, di çarçovey abinpêkirina mafê tenduristiyê yê li girtîgehan de herî kêm 6 hezar û 639 carna mafên mirovan hatin binpêkirin.
Pinar Sakik: Girtiyên nexweş di nav jiyan û mirinê de ne
Hevseroka Federasyona Komeleyên Piştevaniya bi Malbatên Girtî û Hikumxwaran re (TUHAD-FED) Pinar Sakik Tekîn ragihand ku li girtîgehan mafê tenduristiyê bi salan e bi rêk û pêk tê binpêkirin û got:
“Li girtîgehên Tirkiyeyê krîzeke mezin a tenduristiyê heye.
Girtî di nava jiyan û mirinê de li ber xwe didin.
Divê ev mijar bi lez bikeve rojeva raya giştî.”
Pinar Sakik: Tedawî kirina girtiyên nexweş nîvco dimîne
Her wiha Pinar Sakik Tekîn diyar kir ku girtiyên nexweş bi rengekî kelepçekirî dibin nexweşxaneyê.
tedawiya wan jî bi giranî nîvco tê hiştin.
Şert û mercên girtîgehê nexweşiyan hîn giran dike.
Pinar Sakik bal kişand ser helwesta alîgir a Saziya Tipê ya Edlî û got:
Pinar Sakik: Rewşa girtiyên nexweş sûcek li dijî mirovahiyê ye
“Li gel raporên nexweşxaneya serbixwe dibêje ‘nabe ku li girtîgehê bê hiştin’, Saziya Tipê ya Edlî bi têgihiştina siyasî li pêşiya berdana girtiyan dibe asteng.
Ev rewş binpêkirineke mezin a mafên mirovan e, sûcekî li dijî mirovahiyê ye.
Ji ber biryaran girtiyên nexweş nikarin bêne dermankirin û nexweşiyên wan hîn giran dibe.
