Endamê Konseya Rêveber a KCK’ê Mûstafa Karasû dostê xwe yê hêja Sirri Sureyya Onder re şîfayê xwest û anî ziman ku xwedîderketina li Onder xwedîderketina li banga rêber Apo ye.
Karasû da zanîn ku Rêber Apo êdî ne tenê ji bo Kurdan, lê ji bo tevahiya mirovahiyê bûye Rêberê azadî û demokrasiyê û wiha bi lêv kir:
“Ji bo pêvajo bi pêş ve biçe şert e ku Meclîs bikeve dewrê û her kes piştgiriya bana rêbertî bike”.
Endamê Konseya Rêveber a KCK’ê Mûstafa Karasû beşdarî bernameyeke taybet a Telefezyona Medya Haber bû û rojev nirxand.
Mûstafa Karasû destpêkê ji dostê xwe yê hêja Sirri Sureyya Onder re şîfayê xwest û got:
Piştî ku Sirri Sureyya Onder nexweş ket, li Kurdistanê û Tirkiyeyê civak xwedî lê derket, ev jî girîng bû.
Ev xwedîderketin piştgirî û xwedîderketina li hewldan û banga ‘Aştî û Civaka Demokratîk’ a Rêber Apo ye.
Hêvî û bendewariya me ew e ku tenduristiya wî baş bibe, careke din di çareseriya pirsgirêka Kurd û demokratîkbûna Tirkiyê de têkoşîna xwe ya siyasî ji cihê mayî dewam bike.
Mûstafa Karasû: Rêber Apo ji bo tevahî mirovahiyê rêberê azad û demokrasiyê ye
Karasû da zanîn ku Konferansa Romayê weke encamek ji pêngava azadiya Rêbertî ya salên dûr û dirêj pêk hat û wiha bi lêv kir:
Bi vî rengî kampanya ji bo azadiya Rêber Apo bû têkoşîn û hewldana hêzên demokratîk, sosyalîst û gelên cîhanê.
Rêber Apo êdî ne tenê ji bo Kurdan, lê ji bo tevahiya mirovahiyê bûye Rêberê azadî û demokrasiyê.
Divê hêzên çep û demokrat ên li Tirkiyê paradîgmaya Rêber Apo hîn bêhtir bixwîne û fêhm bike, binirxîne.
Mûstafa Karasû: Pêvajoya heyî pêşeroja Tirkiyê û Rojahilata Navîn diyar dike
Her wiha Mûstafa Karasû dibêje:
Pêvajoya hate destpêkirin gelekî girîng e. Paşeroja Tirkiyeyê eleqedar dike. Paşeroja Rojhilata Navîn diyar dike.
Rêber Apo di 27’ê Sibatê de ‘Banga Aştî û Civaka Demokratîk’ kir.
PKK’ê jî bi rengekî gelekî şênber eşkere kir ku wê pêwîstiyên banga Rêber Apo pêk bîne.
Şandeya Îmraliyê bi Serokkomar Erdogan re ji xwe hevdîtin hatibû kirin.
Herî dawî bi Wezîrê Edaletê re hevdîtin pêk hat. Lê belê hîn jî pratîkek nehatiye kirin.
Ji bo pêvajo bi pêş ve biçe şert e ku Meclîs bikeve dewrê.
Mûstafa Karasû: Tirkiyê li gorî agirbestê tevnegeriya û şer didomîne
Mûstafa Karasû diyar kir ku piştî banga rêber Apo PKK’ê agirbest ragihand û got:
Tirkiyê ev yek pêk nanî û êrişên xwe dewam kir.
Bêguman gerîla vê yekê ji wan re dibêje, ‘Eger hûn bi vî rengî bikin, ewê li hemberî vê yekê şer bikin.
Li gorî me helwesta piraniya muxalefetê erênî ye.
Eger desthilatdariya AKP’ê, bi rastî jî dixwaze pirsgirêka Kurd çraeser bike, dixwaze li ser bingeha xwişk û biratiya Kurd û Tirkan çareser bike divê spasiya muxalefetê bike û muxalefetê tevlî vê pêvajoyê bike.
Pirsgirêka demokratîkbûnê ye, demokratîkbûn nebe ji xwe pirsgirêk çareser nabe.
Em bi vê helwesta xwe zextê dikin ku gavê ber bi demokratîkbûnê ve biavêjin. Wê demê muxalefet jî divê vê zextê bike.
