Hîn çarenûsa cîhadîstên biyanî li Sûriyê ne diyar e.
Amerîkaya û welatên rojavayî li wan bi şik û guman e dinêrin û dixwazin bandora wan kêm bibe anî jî bi temamî ji holê rabin.
Ehmed El-Şeri jî dixwze nasnmemya sûrî bide wan û tevîl artêşa Sûriyê bike.
Hîn jî tu çareseriyeke li ser vê mijarê derneketiye.
Mijara cîhadîstên biyanî li Sûriyê di nava çapemeniya herêmî û cîhanî bûye rojev.
Tevî ku amerîka tevlîbûna wan di nava artêşa Sûriyê de erê kir jî lê hîn jî ev mijar bi nakoke.
Rojnameya Newyork Times a Amerîkî ragihand ku hin welatên rojavayî di nav de amerîka jî bi şik û guman li wan dinêrin ji ber ku berê hevalên DAIŞ’ê bûn.
Niha Serokê destihlata Şamê Ehmed El-Şeri li pêşberî kêşeyekê mezin e û tê de windayî ye.
Ehmed El-Şeri van cîhadîstên biyarîn wekî biyarên çekê û dilsozên serketina xwe dibîne.
Li beramberî vê hevalên wî yên navdewletê jî dixwazin bandora wan cîhadîstan kêm bikin an jî bi temamî ji holê rakin.
Rojnameyê da zanîn ku amerîka niha dixwaze ku têkiliyan bi rêveberiya veguhêz vegerîne lê gelek caran jî nîgeraniya xwe ji van çekdarên biyanî jî anî ziman.
Li gorî çavkaniyên rojnameyê, piraniya çekdarên biyanî ji ber dadwerî û cezakirinê nikarin vegerin welatên xwe.
Rojnameyê bi gelek cîhadîstên biyanî re hevdîtin li ser pirsa gelo çarenûsa wan çi ye pêk anî?
Cîhadîstekî ji Misrê ku zewciye jineke sûrî got ku ew ê qet venegere Misir û zarokên xwe bi tenê nehêle.
Yekî din Dagestan got ku nemumkine ku Ehmed El-Şeri dev ji wan berde ji ber ku ew li rex wî bûn.
Rojnameya Newyork Times da zanîn ku niha desthilata nû a Sûriyê hinek ji wan cîhadîstên biyanî tevlî artêşa Sûriyê kiriye.
Li gorî raporan hejmara van cîhadîstên biyanî ji 3 heta 5 hezar kes in û piraniya wan ji Îgorî ne.
Beriya niha Ehemd El-Şeri di hevdîtinek bi rojnameya Newyork Times re got ku ew ê nasnameya Sûrî bide çekdarên biyanî.
