Hêzên Rûsyayê şêva borî êrişeke berfireh li dijî Kîev û bajarên Dnipro, Sumy, Kharkiv û Chernihiv ên Ukraynayê pêk aniye.
Rayedarên Ukraynayê diyar kir ku di êrişê de bi kêmanî 23 kes hatine kuştin û hin dron û mûşek hatin bêbandorkirin.
Her wiha aşkera kirin ji ber bombebaranê li gelek deveran şewat derket û avahiya balyozxaneya Polonyayê ya li paytextê jî zirar dît.
Rayedarên Kîevê ragihandin ku paytexta Ukraynayê ji aliyê Rûsyayê bi dehan balafirên bêmirov ên şer hatiye bombebaran kirin.
Serokê rêveberiya leşkerî ya bajêr Timur Tkachenko, destpêka êirşê li ser Telegramê eşkere kir ku li navçeya Solomensky çend agir hene.
Paşê hate piştrastkirin ku hemû agir di avahiyên niştecihbûnê de bûn.
Her wiha Tkachenko anî ziman dibe ku qurbanî hebin lê hûrguliyên din nedan.
Zirara ji dronan li herî kêm çar navçeyên din jî hate ragihandin.
Dengê agirê dij-balafiran bi saetan li bajêr dihat bihîstin.
Li gorî Hêzên Hewayî yên Ukraynayê, artêşa Rûsyayê herî kêm mûşekek hîpersonîk jî bikar aniye.
Di êrişa Rûsyayê li dijî Ukraynayê 23 kes hatin kuştin
Berê, parêzgarê herêma Donetskê Vadym Vilashkin ragihand ku di êrişên Rûsyayê yên li herêma rojhilatê Ukraynayê de herî kêm 5 kes hatine kuştin.
Di encamê de 12 kesên din jî birîndar bûn.
Li bajarê Pokrovsk ê ku li nêzî xeta pêşîn e 2 û li gundên Belenky û Ilyinivka jî 3 kes hatin kuştin.
Vilashkin dîsa bang li niştecihên mayî yên herêmê kir ku herin deverên ewle.
Ukrayna ji sê salan zêdetir e ku bi piştgiriya Rojavayî li dijî dagirkirina berfireh a Rûsyayê şer dike.
Amerîka dê alîkariyên leşkerî yên ji bo Ukraynayê rawestîne
Di vê çarçoveyê de, Koşka Spî biryar da ku hinek alîkariyên çekan ên girîng ji bo Ukraynayê rawestîne.
Şandina hinek cebilxaneyên girîng ku di nav de sîstemên parastina asmanî hatin rawestandin.
Hêjayê bi bîrxistinê ye ku sîstemên parastina asmanî di dema birêvebiriya Joe Biden de soz li ser hatibûn ku ji Ukraynayê re bişîne.
Biryar piştî êrişên mûşekî û dronan ên Rûsyayê yên li ser xeta eniya şer hat, ku van hefteyên dawî dest pê kir.
Pispor balê dikişînin ku ev encam dikare ji bo kapasîteya parastina asmanî ya Ukraynayê bibe sedema encamên cidî.
Alîkara Berdevkê Koşka Spî Anna Kellyê di daxuyaniyekê de anî ziman:
“Ev biryar piştî nirxandina piştgiriya leşkerî ya gerdûnî ya Wezareta Parastinê, bi mebesta ku berjewendiyên Amerîkayê di ser her tiştî re bigire hatiye dayîn.”
Kêmkirina alîkariya leşkerî, di heman demê de wekî nîşana vegera li xeta siyasî ya ku di dema serokatiya Donald Trump de hate sepandin.
Armanc ji vê yekê ew bû Rûsya û Ukraynayê neçar bike ku dan û standinên aştiyê bikin.
