Însiyatîfa ji bo azadiya Rêber Abdullah Ocalan a Sûriyeyê ji bo nîqaşkirina rehendên netewe-dewletê û bandorên wê yên neyênî li ser civakan, semînerk li Helebê da.
Însiyatîfa ji bo azadiya Rêber Abdullah Ocalan a Sûriyeyê ji bo dîtina çareseriyan ji dozên girêdayî civakên Sûriyeyê re û teşeya rêveberiya siberojê gelek çalakiyan li dar dixe.
Di wê çarçoveyê de însiyatîfê li taxa Eşrefiye ya Helebê semînerek bi sernavê “netewe-dewletê” da û tê de bandorên wê yên wêranker û neyînî li ser gelên herêmê şîrove kirin.
Semîner li navenda însiyatîfê ya li taxa Eşrefiye hate dayîn. Gelek siyasetmedar, akademîsyen, ciwan û endamên însiyatîfê tev li semînerê bûn.
Endama însiyatîfê Fatme Mistefa Ebdurehman û Dr.Osman Şêx Îsa semînera ku ji sê beşan pêk hat, bi rê ve bir.
Beşa yekê der barê pergala înkarkirina azadiyê û demokrasiyê, beşa duyemîn bi sernavê “nefikire ku dewlet ji ber te ve bifikire”, beşa sêyemîn bi sernavê projeya ku herî kesî hembêz dike, di beşa herî dawî de jî alozî li ser 3 astan hate nirxandin.
Fatme behsa netewe-dewletê bi teşeya wê ya niha kir û diyar kir ku ew stûna duyemîn a girîng ji bo modernîteya Ewropayê ye û dişibe kapîtalîzmê ye. Pergala wê jî li ser înkarkirina azadî, demokrasî û mafên mirovan hatiye avakirin.
Her wiha di semînerê de li ser têgîna “netewe-dewletê” û nêrîna Rêber Abdullah Ocalan li ser wê ku di pirtûka Sosyolojiya Azadiyê de bi berfirehî nirxandiye, sinevizyonek hate pêşandan.
Piştî sînevîzyonê ji beşdaran endamê Meclisa Partiya Sûriya Pêşerojê Mirrî El Şiblî axivî û diyar kir ku bingeha netewe-dewletê ji rihên Someran ên ku di astronomî bi dest xistine û ew yek bi yekkirina leşkerî û xwendawendê re kirin yek û mirov pê îqna kir û bi wê rêyê tovê netewe-dewletê çandin û heta roja îro dirêj dike.
El Şiblî bi vê hevokê gotina xwe bi dawî kir: “Nefikire ku dewlet ji ber te ve bifikire.”
Endamê Meclisa Giştî ya Partiya Yekitiya Demokratîk (PYD) li ser projeya giştî ya ji bo her kesî axivî û got hin rastî li ser erdê hene ku nîşan dide gel bi bi hev re dijîn, lê rejîma Baasˊê ya hilweşyayî jî hewl da vê jiyana hevbeş têk bibe.
Ji ber vê yekê, mîsyona kesên ku ji bo berjewendiyên vê civakê dilxwaz in, ji bingeha xurtkirina projeya neteweyek demokratîk a ku her kesî dihewîne derdikeve holê.
Piştî gelek nêrîn û pêşniyar hatine kirin, endamê însiyatîfê Dr.Osman Şêx Îsa diyar kir ku li Rojhilata Navîn şer li ser 3 astan heye; ji projeya îslamî bigire heta bi modernîteya kampîtalîzmê ya ku hewl dide temenê xwe dirêj bike û projeya neteweya demokratîk a ku herî rast ji bo rewşa Sûriyeyê ye. Ev her sê li Rojhilata Navîn dijberî hev in.
