Li herêma Bakur û Rojhilatê Sûriyê li gorî prensîbên sîstema rêxistinî ya komunal û demokratîk, hevkariya sosyalîsat jin û mêr cih digirin.
Sîstema komunan jî xwe li ser bingeha edalet û wekheviyê bi rêxistin dike.
Hevserokên komînan ragihandin ku civakek li ser hîmê komunan neyê pêşxistin û jin pêşengiya wê nekin wê sernekeve.
Sîstema komunal ku stûna sereke ya pergala neteweya demokratîk e.
Komun, li ser bingeha sîstema hevserokatiyê hatine avakirin û îradeya civakê temsîl dikin.
Komun yek ji rêbazên avakirina civakek dadwer û wekhev e.
Sîstema Rêveberiya Xweser li Bakur û Rojhilatê Sûriyê li ser rêxistina meclîs û komînan hatiye damezrandin.
Bi awayekî rêxistinkirî li ser taxên bajêr, gundewar û gundan tên belavkirin.
Karê wan, bi riya komîteyên xwe yên cûrbecûr ku xwe dispêre rêxistinkirina kesan di nava taxê de û dabînkirina xizmetên civakî ye.
Komun yekîneya herî biçûk a civakê ye ku ji bo rêxistinkirina kesan di nava malbatê de, paşê li taxê û dûre jî tevahiya civakê dixebite da ku civakek azad, exlaqî û demokratîk pêk bîne.
“Komun bingeha sepandina sîstema Rêveberiya Xweser e”
Hevseroka Meclîsa Şehîd Hêlîn Cudî, Felek El-Hîlal sîstema komunal weke kevirê bingehîn yê avakirina sîstema Rêveberiya Xweser dibîne.
Ji bo hevgirtin, rêxistinkirina civakê li gorî prensîb û pîvanên exlaqî esasî digre.
Felek El-Hîlal radigîhîne ku sîstema komunan ji pergala hevserokatiyê û avakirina komîteyên girêdayî civakê tê avakirin û wan jî wiha rêz dike:
Komîteyên parastinê, komîta silhê, kometeyên ciwanan, malbatên şehîdan, perwerde, edalet, tenduristî, aborî û jinin.
Felek El-Hîlal diyarkir ku ji bo danansîna têgeha pergala komunal, girîngî û pêwistiya pêkanîna wê nava civakê de gelek giringe ku ked û hewldan bê dayîn û wiha anî ziman:
Jinan li herêmê roleke pêşeng lîst, cih di pergala hevserokatiyê de girtin.
“Rêxistinbûn ne lukseke civakî ye, ew pêdiviyek girîng e”
Hevseroka komuna Şehîd Hamêd el-Esad a navenda bajarê Reqayê, Xeda Cebara jî da xuyakirin ku jin di rêxistinkirin û pêşxistina sîstema komînan de û ji bo nûnertiyek wekhev kedek mezin didin.
Komun cihê çareseriya pirsgirêk û pêşxistina civakê ye.
Rêxistinbûn ne lukseke civakî ye, ew pêdiviyek girîng e.
Yek ji bingehên jiyanê ye û ji bo her civakê pêwist e. Jinên bihêz û jixwebawer dê biserkevin .
Mêr êdî nêrîn û pêşniyaran bi jinan re parve dikin, ev jî tê wateya pêkanîna sosyalîzmê di nava her du zayendan de.
Wehîda El Hemed: Komun kevirê bingehîn ê pêşketin û geşbûna civakê ne
Wehîda El-Hemed jî anî ziman ku Komun rol û hebûna jinan di civakê de bi pêş dixine û ji bo pêkanîna serxwebûna aborî ya jinan dixebitin.
Ger sîstema komunal neyê bicîhanîn, civak jî nayê birêxistinkirin. Komun kevirê bingehîn ê pêşketin û geşbûna civakê ne.”
