Bi hezaran şêniyên taxên Şêxmeqsûd û Eşrefiye şervanê HRE`yê şehîd Qehreman Bilbilê li goristana şehîdên berxwedana Şêxmeqsûd û Eşrefiye oxir kir.
Meclisa Malbatên Şehîdan a bajarê Helebê ji bo şervanê Hêzên Rizgariya Efrînê (HRE) Qehreman Bilbilê merasîma oxirkirinê li dar xist.
Bi hezaran şêniyên her du taxan li pêşiya nexweşxaneya şehîd Xalid Fecir cenazeyê şehîd Qehreman Bilbilê wergirt û berê xwe goristana şehîdên berxwedana Şêxmeqsûd û Eşrefiyeyê.
Li wir endama Meclica Malbatên Şehîdan Gulê Mihemed axivî û da zanîn ku bi saya fedakariyên şehîdan, gelek destkeftî di şoreşa 19`ê Tîrmehê de bi dest xistine.
Ji fermandarên Hêzên Ewlekariya Hundirîn Nêrmîn Ebdo jî got: “HRE, rûmeta şêniyên Efrîn û Şehbayê parast. Em ê şopdarên rêya şehîd Qehreman bin û welatekî demokratîk a azad, pirreng a nenavendî ava bikin ku rûmeta welatiyan biparêze.
Endamê rêveber ê Partiya Yekitiya Demokratîk (PYD) Selah Sîno jî fedakariyên şehîdan silav kirin ku rûmeta gelan parast.
Di dawiya axaftinan de, wesîqeya şehadetê hate xwendin û radestî malbatê hate kirin. Di dawiyê de girseyê cenazeyê şehîd Qehreman Bilbilê veşart.
