Di êrîşên artêşa Îsraîlê yên li ser deverên cuda yên Şerîda Xezayê de 15 kes hatin kuştin û gelek kes birîndar bûn.
Li aliyê din rojnamevanan jî dibin hedefa êrişan. Li gorî rayedarên saziyên çapemeniyê ji 7’ê Cotmeha 2023’yan ve li Şerîda Xezayê 232 rojnamevan hatine kuştin.
Di êrîşên artêşa Îsraîlê yên li ser deverên cuda yên Şerîda Xezayê de 15 kes hatin kuştin û gelek kes birîndar bûn.
Li gorî ajansa nûçeyan a fermî ya Filistînê WAFA, di bombebarana Îsraîlê ya li herêma Sudaniyê ya li bakurê rojavayê Şerîda Xezayê de 3 kes hatin kuştin.
Balafirên şer ên Îsraîlê du êrîşên hewayî yên cuda li ser taxa Tuffah a li bakurê rojhilatê bajarê Xezayê pêk anîn.
Di êrîşan de 3 kes hatin kuştin û çend kes birîndar bûn.
Dema ku droneke Îsraîlê komek sivîl li nêzî Mizgefta Selahedîn a li taxa Zeytûn a başûrê rojhilatê Xezayê hedef girt, 2 kes hatin kuştin û çend kesên din jî birîndar bûn.
Di êrîşên li ser Dibistana Rîmal a li rojavayê bajarê Xezayê û li ser konê ku sivîlên koçber dimînin, li nêzî herêma Maslah a li rojavayê Xan Yûnisê, 2 kesên din hatin kuştin û çend kesên din jî birîndar bûn.
Di heman demê de, gelek topên hawanê ji keştiyên Îsraîlê ber bi peravên Xezayê ve hatin avêtin.
Di êrîşeke Îsraîlê ya li ser dibistanekê li Xezayê de 5 kes hatin kuştin
Her wiha li gorî çavkaniyên herêmî, artêşa Îsraîlê Dibistana Qahîreyê hedef girt, ku sivîlên koçber li Xezayê xwe lê digirtin.
Di êrîşê de 5 kes, di nav de keçek, hatin kuştin û 10 kesên din jî birîndar bûn.
Hat ragihandin ku di nav birîndaran de zarok jî hene, û zarokekî ji ber topbaranê destekî xwe winda kiriye.
Zarokekî Filistînî yê ku di êrîşa artêşa Îsraîlê ya li ser Kampa Penaberan a Eynê li bakurê Şerîaya Rojavayê de birîndar bûbû mir.
Hêzên Îsraîlê roja Çarşemê êrîşî bajarê Nablus û kampa penaberan a Eynê kirin, herî kêm Filistîniyek girtin û çend kesên din birîndar kirin.
Zarokekî din li Xezayê ji ber birçîbûn û kêmbûna xwarinê mir
Rûpelek di ajansa nûçeyan a fermî ya Filistînê Wafa de ragihand ku zarokek li Nexweşxaneya Baptist a El-Ehlî ji ber birçîbûn û kêmbûna xwarinê mir.
Ji dema ku êrîşên Îsraîlê di 7’ê Cotmeha 2023’yan de dest pê kirin, hejmara Filistîniyên ku ji ber birçîbûn û kêmbûna xwarinê li Xezayê mirine gihîştiye 114 kesan, ku 82 ji wan zarok in.
Li Xezayê ji 7’ê cotmeha 2023’yan ve 232 rojnamevan hatin kuştin
Li aliyê din rojnamevanan jî dibin hedefa êrişan.
Li gorî rayedarên saziyên çapemeniyê ji 7’ê Cotmeha 2023’yan ve li Şerîda Xezayê 232 rojnamevan hatine kuştin.
