Şêwirmendê qebîleya Cibûr di bernameyeke televizyona me de balkişand ser şerê taybet ê ku li dijî herêma bakur û rojhilatê Sûriyê axivî û got:
Dixwazin fitneyê di navbera kurd û ereban de derxin lê belê ev plan bi saya projeya netewa demokratîk pêk nayê.
Hikûmeta veguhêz eşîrên ereb wek kaxiz bi kar tîne.
Em ê bi her bi hêza xwe ya QSD’ê ku zarokên me di nav de ne bi her awayî parastina herêmê xwe bikin.
Eger xwestin êrişî me bikin, herêmên me wê ne wek Peravê û Siwêdayê ji bo wan gişt be.
Em bi yekbûna Sûriyê re ne. Çarenûsa Sûriyê wê gel diyar bike û ne li ser were ferzkirin.
Şêwirmendê qebîleya Cibûr Ekrem Mehşûş têkildarî şerê taybet, derxistina fitneyê di navbera kurd û ereban li herêmê, idîayên paşguhkirina rola eşîran li herêma bakur û rojhilatê Sûriyê ji televizyona me re axivî.
Qebîleya Cibûr: Plana derxistina fitneya Kurdî-Erebî wê bi ser nekeve
Ekrem Meşûş got ku ev zêdetirî 10 sal in li ser fitneya kurdî-erebî kar tê kirin lê belê bi hevgirtina civakî me ev plan têk biriye û wiha dewam kir:
Bi saya projeya biratiya gelan me planên qirêj ên li dijî herêmê têk birin.
Derxistina fitneyê di navbera kurd û ereban de wê bi ser nekeve ji ber ku me rastiya li ser erdê baş fêm kiriye.
Em bi aramî û aştiyê re ne.
Qebîleya Cibûr: Hikûmeta veguhêz eşîrên Ereb bi kar tîne ne berketiyê wan e
Her wiha Ekrem Meşûş bal kişand ser idîayên ku ragihandina hikûmeta veguhêz dibêje ku QSD’ê û Rêveberiya Xweser eşîrên ereban paşguhkiriye û got:
Hikûmeta veguhêz wek rejîma Esed a têkçûyî, eşîrên ereb ji bo berjewendiyên xwe bi kar tîne.
Idîayên Şamê dûrî rastiyê ne.
Berevajî wê eşîrên ereb bi hêz cihê xwe di çêkirina biryarê de digirin.
Bi hêvî ne ku ti kes guh nede derewan li ser sosyal Medyayê û rastiya heyî bînin ziman.
“Me herêmên xwe bi hêza xwe QSD’ê rizgar kirin em xwediyê biryarê ne ne Şam”
Ekrem Mehşûş di nava axaftina xwe de da zanîn ku fermandariya QSD’ê bi eşîrên ereb ên herêmê re di nava têkiliyê de ne da ku em bi hev re rê li ber reşkirin û şerê taybet li dijî herêmê bigirin û wiha dewam kir:
Me bi zarokên xwe yên di nava QSD’ê Reqa, Dêrazor, Tebqa rizgar kirin.
Wê demê ji bo pêşeroja wan herêman em xwediyê biryarê ne.
Bila Şamê tiştekî bi rêya şerê taybet an zorê li ser me ferz neke.
Me rizgar kir û em ê biryarê bidin.
“Eger bixwazin li dijî me şer bikin wê herêmên me ji bo wan ne geşt be”
Şêwirmendê qebîleya Cibûr Ekrem Mehşûş di dawiya axaftina xwe de got ku ew li kêleka QSD’ê û Rêveberiya Xweser in û wiha axaftina xwe bi dawî kir:
Em bi yekbûna Sûriyê re ne. Dilê me li ser Perava Sûrî û Siwêdayê bi êş e.
Em nahêlin tiştê ku bi serê elewî û durziyan bûye, bi serê xelkê herêmê bê.
Eger bixwazin êrişî herêmên me bikin, em dibêjin bakur û rojhilatê Sûriyê wê ji bo wan ne geşt be.
