Serokkomarê Ukraynayê Volodymyr Zelenskî derbarê êrişên Rûsyayê nirxandin kir.
Zelenskî dibêje Rûsya ne tenê hedefên leşkerî di heman demê de sivîlan bi zanebûn dike hedef.
Zelenskî bang li welatên Rojava kir ku li dijî Rûsyayê gavên bihêztir bavêje.
Serokkomarê Ukraynayê Volodymyr Zelenskî ragihand ku artêşa Rûsyayê bi zanebûn sivîl, tîmên rizgarkirinê û karmendên bijîşkî li bajarên nêzîkî xeta pêşîn hedef digire.
Zelenskî di daxuyaniyekê de li ser hesabê xwe yê Telegramê diyar kir ku êrîşên Rûsyayê bi zanebûn ne tenê hedefên leşkerî, lê di heman demê de sivîlan jî hedef digirin.
Zelenskî di peyama xwe de wiha got:
“Rûsya li xeta pêşîn nêçîra sivîlan dike.
Kuştina mirovan, zarokan, êrîşên bi dronan li ser tîmên rizgarkirinê û karmendên bijîşkî bûne tiştekî asayî.
Artêşa Rûsyayê bi rastî her tiştê zindî dikuje.”
Serokkomarê Ukraynayê bang li welatên Rojava kir ku li dijî Rûsyayê gavên bihêztir bavêje û got:
“Em li bendê ne ku biryarên bihêz ji bo sepandina cezayên duyemîn li dijî bazirganiya enerjiya Rûsyayê û sektora bankayî ya Moskowê li Amerîka, Ewropa û cîhanê werin dayîn.
Em li bendê ne ku her peymana parastinê ya ku bi hevalbendên me re hatî çêkirin bi tevahî were bicîhanîn.
Her roja ku derbas dibe jiyana gelê me dikeve xeteriyê.”
Her wiha Zelenskiy teqez kir ku raya giştî ya cîhanî xwedî hêz e ku vê tundiyê rawestîne.
Di heman demê de, hate ragihandin ku bi biryara Konseya Ewlehî û Parastina Neteweyî ya Ukraynayê (RNBO) cezayên kesane li ser 94 kesan û 5 saziyên qanûnî hatine sepandin. Zelenskyy biryar îmze kir û xist meriyetê.
“Dabînkirina çekên Amerîkî bo Ukraynayê dê zextê li Rûsyayê bike ku aştî bike”
Dabînkirina çekên Amerîkî bo Ukraynayê dê zextê li Rûsyayê bike ku aştî bike.
Ev yek ji aliyê Balyozê Amerîkî yê li NATO’yê Matthew Whitaker ve di hevpeyvînekê de hate gotin.
Matthew Whitaker got,
“Serok Trump qasidê aştiyê ye, û wekî min got, bi firotina çekan ji hevalbendên me re, em plan dikin ku zextê li Rûsyayê bikin da ku wan vegerîne ser maseya danûstandinan û agirbestek mayînde pêk bîne.
Amerîka çek û cebilxaneyên herî pêşkeftî yên cîhanê hildiberîne.
Ukrayna û artêşa wê kêfxweş in ku van çekan hene: ew dihêle ku ew xwe li dijî êrîşkariya Rûsyayê biparêzin.
Di heman demê de, ez difikirim ku Serok Trump eşkere kiriye ku ev şer dê li qada şer bi dawî nebe.
Di dawiyê de, divê ew li ser maseya danûstandinan were çareser kirin, û divê aştî were bidestxistin.”
