Di êrişên Îsraîlê ya li Xezayê de herî kêm 23 kes mirin û di 24 saetên dawî de jî 5 kesên din ji birçîbûnê mirine.
Her wiha Îsraîlê li nêzî nexweşxaneyek Xezayê êrişî rojnamevanan kir, di encamê de 6 rojnamevan hatin kuştin.
Artêşa Îsraîlê li Xezayê konên koçberan, malên sivîlan û kesên li benda alîkariyê bûn kir armanc.
Artêşa Îsraîlê konek li rojava û bakurê Xezayê bombebaran kir. Di êrîşê de 3 kes hatin kuştin.
Di êrîşeke bombeyî ya li ser malekê li taxa Zeytûn a başûrê rojhilatê bajarê Xezayê de 9 kes, di nav de 8 zarok, hatin kuştin.
Ji nîvê şevê heta sibê, artêşa Îsraîlê bi êrîşên hewayî, topavêj û operasyonên rûxandina avahiyên li başûrê rojhilatê bajarê Xezayê, bi taybetî li taxên Zeytûn û Şucaiyê hedef girt.
Sivîlên Filistînî yên nêzîkî xaleke belavkirina alîkariyê li herêma Wadî Xezayê ya başûrê navenda Xezzeyê ji aliyê artêşa Îsraîlê ve hatin hedefgirtin. Di êrîşê de zarokek mir û 4 kes birîndar bûn.
Leşkerên Îsraîlî li Xan Yûnisê ya li başûrê Xezayê, gule li Filistîniyên ku li benda wergirtina alîkariya mirovî bûn, reşandin.
Di gulebaranê de 2 kes hatin kuştin.
Artêşa Îsraîlê bi droneke kamîkaze apartmanek li rojavayê Xan Yûnisê hedef girt.
Di êrîşê de her 7 endamên malbatekî hatin kuştin.
Di 24 saetên dawî de, li Xezayê 5 kesên din ji birçîbûnê mirin
Her wiha di 24 saetên dawî de, li Xezayê, ku ji ber êrîş û dorpêçên Îsraîlê birçîbûn lê heye, 5 kesên din, ku yek ji wan zarok e, ji birçîbûnê mirin.
Wezareta Tenduristiyê ya Filistînê li Xezayê daxuyaniyek nivîskî weşand û daneyên herî dawî yên kesên ku ji birçîbûnê mirine parve kir.
Di daxuyaniyê de hat destnîşankirin ku birçîbûna ku li Xezayê hatiye ferzkirin, di bin êrîş û dorpêça Îsraîlê de, jiyana xwe ji dest dide.
Hat tomarkirin ku ji 7’ê Cotmeha 2023’yan vir ve li Xezeyê hejmara kesên ku ji birçîbûnê mirine gihîştiye 222 kesan ku 101 ji wan zarok in.
Di êrişa Îsraîlê de 6 rojnamevan hatin kuştin
Li gorî rayedarên Nexweşxaneya Şîfa, artêşa Îsraîlê konê rojnamevanan li nêzîkî nexweşxaneyê hedef girtiye.
Di êrîşê de nûçegihanên El Cezîreyê Enes el-Şerîf û Mohamed Qurayka, digel sê kameramanan, hatin kuştin.
Artêşa Îsraîlê di daxuyaniyekê de kuştina Enes el-Şerîf qebûl kir.
Di daxuyaniyê de hate îdiakirin ku Şerîf ji ber ku di nava Hamasê de wekî serokê şaneyek kar dikir û êrîşên roketî li dijî Îsraîlê plan dikir, hatiye hedefgirtin.
Li Xezayê hejmara rojnamevanên hatine kuştin gihîştiye 238’an
Her wekî Ofîsa Medyayê ya hikûmetê li Xezayê navê rojnamevanên hatine kuştin parve kir.
Ofisê da zanîn ku wênekêş Îbrahîm Zahir, Mumin Alive û Mihamed Nawfal bûn hatine kuştin û di bûyerê de gelek rojnamevan jî birîndar bûne.
Ofîsa Medyayê ragihand ku hejmara rojnamevanên ku ji aliyê Îsraîlê ve li Xezayê ji 7’ê Cotmeha 2023’yan vir ve hatine kuştin gihîştiye 238’an
