Meclisa Jinan a Sûriyeyê li ser rola jinan a di tekoşîna li dijî kîndariyê û hewldanên derxistina tevliheviyê de semînerek li bajarê Tebqa li dar xist. Di semînerê de hate destnîşankirin ku “jin şirîkên sereke yên pêkanîna aştiya civakî ne”.
Semînerê bi rêzgirtinê dest pê kir. Paşê endama Meclisa Jinan a Sûriyeyê Ezîza El Yûsif di beşa yekem a semînerê de axivî. Ezîzayê metirsiya belavkirina kîndariyê di nava civakê de û rola jinan a di têkoşîna li dijî kîndariyê û pêkanîna aştiyê de rave kir.
Ezîza El Yûsif wiha dom kir: “Kîndarî di nava civakan de astengiya li pêşiya çareseriyê ye. Aloziya Sûriyeyê jî wiha ye. Ji bo avakirina civakê astengiya herî mezin e. Rê li ber avakirina welat û kesayetên azad digire.”
zîza El Yûsif bal kişand ser rola jinan a di tekoşîna li dijî kîndariyê de û wiha dirêjî da axaftina xwe: “Kîndarî sorkirina ji bo pêkanîna komkujiyan e. Tişta li Perava Sûriyeyê û Siwêda pêk hat, beşekî wê ye. Pêwistiya civakê bi baldarî û tekoşîna li dijî kîndariyê heye. Divê kes li pişt helwdanên tevliheviyê neçe. Jin dikare li dijî kîndariyê tê bikoşe û guhertinên mezin pêk bîne.”
Di beşa duyemîn a semînerê de berpirsa Komîteya Têkiliyên Dîplomatîk a Meclisa Jinan a Sûriyeyê Xedîca El Ebid axivî û bal kişand ser aştiya navxweyî û rola jinan di pêkanîna wê de û ev tişt anî ziman: “Rewşa li Sûriyeyê û şer û aloziyên siyasî û civakî aştiya navxweyî têk bir. Jin zemîna bingehîn a pêkanîna aştiya civakî û edaletê ye. Aştiya navxweyî rêgeza sereke ya rêveberina civakê û pêşketina wê ye.”
Di dawiya semînerê de beşdaran bal kişand têkoşîna li dijî kîndariyê û avakirina hevgirtina civakî û got Rêveberiya Xweser zemîna bingehîn a jiyana hevbeş û misogeriya aştiya navxweyî ya Sûriyeyê ye.
