El-Mismarî: Tişta Tirkiyê dike dagirkerî ye

Artêşa Niştimanî ya Lîbyayê, eşkere kir ku keştiyên şer yên ku ji aliyê dewleta Tirk ve hatine şandin gihiştin beravê Terablusê. Nûnerê Lîbya yê li Netewên Yekbûyî Xesan Selame jî, li ser girêdana aliyan bi agirbesta li Lîbyayê teqez kir. Serokê Fransa Macron jî got: Dewleta Tirk, sozên ku li Berlînê ji bo Lîbyayê dabûn, binpê kirin.

Berdevkê Artêşa Niştimanî ya Lîbyayê, Ehmed El-Mismarî, eşkere kir ku keştiyên şer yên ku ji aliyê dewleta Tirk ve hatine şandin gihiştin beravê Terablusê.

Her wiha El-Mismarî dîmenek ku çekên di hundirê keştiyan xwiya dikin, weşand.

Li gorî El-Mismarî ev keştî di êvara 28’ê Çileyê de gihiştiye Lîbyayê.

Berdevkê Artêşa Niştimanî ya Lîbyayê, Ehmed El-Mismarî, diyar kir ku tişta Tirkiyê dike dagirkerî ye û agirbest û hemû qanûnên navdewletî binpê dike.

El-Mismarî beriya niha ragihandibû ku dewleta Tirk çeteyên DAIŞ û Qaîdayê derbasî Lîbyayê dike û teqez kir ku gelek çeteyên ji Sûrî, tevî leşkerên dewleta Tirk li ser sînorê bajarê Misrata û Tunisê hatine dîtin.

NÛNERÊ NETEWÊN YEKBÛYÎ JI BO LÎBYAYÊ, XESAN SELAME
LI SER GIRÊDANA ALIYAN BI AGIRBESTA LI LÎBYAYÊ TEQEZ KIR

Nûnerê taybet ê Netewên Yekbûyî ji bo Lîbyayê, Xesan Selame jî di rûniştineke Konseya Ewlekariyê ya Navdewletî de axivî û li ser girêdana aliyan bi agirbesta li Lîbyayê teqez kir.

Xesan Selame eşkere kir ku li gorî çavdêrên navdewletî li Lîbyayê, piştî biryara agirbestê heya niha 110 binpêkirin pêk hatine û li Terablusê di 2 rojan de 4 zarok hatine kuştin.

Her wiha Xesan got, hê jî çekdarên biyanî bi hezaran berê xwe didin Lîbyayê.

SEROKÊ FRANSÎ MACRON:
ERDOGAN SOZÊN BERLÎNÊ BINPÊ KIRIN Û HÎNA ÇETEYAN DIŞÎNE LÎBYAYÊ

Li aliyeke din ve, Serokê Fransa Emmanuel Macron li gel serokwezîrê Yûnanistanê li Parisê konfranseke çapemeniyê li dar xist û destnîşan kir ku dewleta Tirk sozên ku li Berlînê ji bo Lîbyayê dabûn, binpê kirin.

Serokê Fransayê her wiha, lihevkirina navbera Tirkiye û hikumeta Wîfaqê ya Îxwanî jî şermezar kir û banga rawestandina şandina çeteyên ji Sûrî ber bi Lîbyayê ve kir.

TIRKIYE JI MACRON RE:
FRANSA SEDEMA SEREKE YA ALOZIYA LÎBYAYÊ YE

Dewleta Tirk jî li hember gotinên Macron bê bersiv nema û çîrokên kevin vekirin.

Berdevkê wezareta derve ya Tirkiyê Hamî Aksoy “Fransa weke hêmana sereke ya pirsgirêk û aloziya Lîbyayê destnîşan kir û ew bi nearamiya wê tawanbar kir.

Back to top button