Kongreya Star a bajarê Qamiloyê yê kantona Cizîra û bajarê Kobanê yê kantona Firatê yên Bakur û Rojhilatê Sûriyê bi boneya qetilkirina Jîna Emînî (22) û serhildana “Jin, Jiyan, Azadî” daxuyanî dan û gotin: “Ev serhilan, serhildana tevayî jinan, mêrên azad û civakên ku azadiyê dixwazin e. Em bi qîr û hêza jinên Rojava dibêjin, Jin, Jiyan, Azadî”.
Kongreya Star a bajarê Qamiloyê yê kantona Cizîra û bajarê Kobanê yê kantona Firatê yên Bakur û Rojhilatê Sûriyeyê bi boneya qetilkirina Jîna Emînî (22) û serhildana “Jin, Jiyan, Azadî” daxuyanî dan.
Daxuyaniya bajarê Qamişloyê li Stada Şehîdên 12’ê Adarê hat dayîn. Ji sazî û dezgehên jin ên bajarê Qamişloyê bi sedan jin beşdarî daxuyaniyê bûn. Jinan stûmalên bi Kurdî û Erebî li ser “Jin, Jiyan, Azadî” hatibû nivîsandin li xwe kirin. Kaxezên li ser nivîsên “Şoreşa keziyan hîn li dar e”, “Jîna Emînî tundiya li ser jinê şikand”, “Bi azadiya jinê, civak azad dibe” û “Bi vîna Jîna, bi israra Jiyan, bi têkoşîna Zeyneb emê tundiyê tune bikin”, hatibûn nivîsandin, wêneyê Jîna Emînî û Rêber Abdullah Ocalan hildan.
Di daxuyaniyê de Berdevka Kongreya Star a bajarê Qamiloyê Rîhan Temo axivî.
Rîhan Temo tevayî şehîdên serhildana “Jin, Jiyan, Azadî” bîr anî, sersaxî ji malbatên wan re xwest, silav ji jin û gelên li ber xwe didin re şand.
Rîhan Temo got: “Em sêyemîn salvegera serhildana jinan û gelan a li hemberî olperestî, nîjadperestî û zayendperestiyê, li hemberî hêzên hegemon ên hertim jinan li paş dihêle û bê îrade dike, di kesayeta Jîna Emînî de kursiyê melayan hejand, bi bîr tînin. Bejna xwe li hemberî serhildana wan ditewînin.”
Rîhan Temo bal kişand ser mezinbûna serhildana “Jin, Jiyan, Azadî” û wiha axivî: “Vîna ku bi destê jinan destpê kir, bi destê tevayî cîhanê hate hilandin. Raste îro salvegera sêyemîn e, gelek kes û aliyan xwest bi nîjadperestî, zayendperestî û olperesiyê vê berxwedanê biçewisîne.
Daxuyanî bi dirûşma “Jin, Jiyan, Azadî” bi dawî bû.
KOBANÊ
Li Kobanê daxuyanî li Qada Jina Azad hate dayîn.
Daxuyanî bi zimanê Kurdî ji aliyê endama Kongra Star a Kantona Firatê Meysun Kewar ve hat xwendin.
Daxuyanî wiha ye:
Meysun Kewar bal kişand li ser 3 yemîn salvegera Şoreşa “Jin Jiyan Azadî ” ya ku li hember hişmendî û pergala qirker a Rejîma Îranê hatibû lidarxistin û wiha got: Ramanên Rêber Apo û ji bo me tevahî jinan bûn hêza xurtikirina tekoşîna jin û serxistin û rizgariya hemû jinane.
Çalakiyên ku bi pêşengiya jinan bi hêvî û hêrsê destpê kirin, veguherî serhildana “Jin, Jiyan, Azadî” ku gelê Kurd, Belûç û Ereb jî tê de cih girtin.
Serhildana herî mezin a şoreşgerî ya salên dawî bi felsefeya “Jin Jiyan Azadî” li Îran û Rojhilatê Kurdistanê belav bû. ne tenê serhildanek li dijî ferzkirina hîcabê bû, di heman demê de ji bo bidestxistina hemû maf û azadiyên siyasî, aborî û civakî yên hemû gelan bû.
Hîna jî çirûskên serhildana “Jin ,Jiyan, Azadî ” di girtîgehên Rejîma Faşîtst, noker û olperest de olan didin.
bijî berxwedana jinên Rojhilatê Kurdistanê,
