Pispora Têkiliyên Navneteweyî Dr. Ebîr Selman derbarê diyaloga niştîmanî ya Sûrî de axivî û got: “Eger hemû pêkhateyên Sûriyê tevlî diyaloga neteweyî ya Sûrî nebin, diyalog nabe neteweyî.
Hikûmeta Veguhêz a Sûriyê bê nerîna Sûriyan biryara distîne û diyalogê nake.
Paşguhkirin û dûrxistin çareseriyê peyda nakin.”
Demên dawî de gelekî mijara diyaloga navxweyî di navbera Sûriyan de dihat ser zimanan.
Hikûmeta Veguhêz a Sûrî komîteyek ji bo diyaloga niştîmanî ya Sûrî bi rêxistin kir. Lê belê vê komîteyê diyalog bi hemû pêkhateyên Sûrî re nekir û piranî beşên civaka Sûrî paşguh kir.
Pispora têkiliyên navneteweyî Dr. Ebîr Selman di vê çarçoveyê de nirxandin kir.
Dr. Ebîr Selman da zanîn ku diyaloga neteweyî, di wateya xwe ya bingehîn de, divê hemû alî û pêkhateyên Sûriyê di nav de cî bigirin.
Diyalogek ku bi yekalî yan komekê ve sînordar be, nikare wekî neteweyî yan berfireh were binavkirin.
Dr. Ebîr Silêman di berdewama axaftina xwe diyar kir ku “Dema ku diyalogeke berferh li ser bingeha pir-rengiyê pêk were, wê demê dê biryarên Sûrî çi li hundir çi dever e bi wate bibin û wiha dewam kir:
“Kengî tevahî Sûrî bê cudahî tevlî nava diyalogeke giştî bûn, wê demê welatiyên Sûriyeyî hebûna xwe ser vê erdnîgariyê hîs bikin.
Tştên berê di bin navê “Diyaloga Neteweyî ya Sûriyê” de pêk hatin, negihîştin armancên rastîn ên ku jê dihatin hêvîkirin.
Em hemû dizanin ku encam ne li gorî têkoşîna gelê Sûriyeyê bûn, ne jî li gorî hêviyên ku piştî hilweşîna rejîmê û avakirina hikûmetek nû bûn. ”
Dr. Ebîr da zanîn ku di qonaxa heyî de hewce ye ku diyalogek neteweyî ya berfireh were destpêkirin ku bikaribe destûrek rastîn çêbike û hêviyên welatiyê Sûriyê pêk bîne û wiha domand:
“Eger ravekirneke rastîn û zelal a komkujî û binpêkirinên ku di mehên borî hatine kirin tune bin, wê çareserî tune be.
Berevajî vê, wê bibe weke ku em bi xwe bikenin.
Ji bo çareseriyê divê destpêkê rastî ji bo her kesî werin aşkerakirin, dûre jî çareseriyên şênber werin pêşkêkirin.
Pispora têkiliyên navneteweyî Dr. Ebîr Selman anî ziman ku dirûşma herî guncaw ku em îro bilind bikin lêborîn û lihevhatin e.
Dr. Ebîr Silêman di dawiya gotinên xwe de derbarê xeteriya destwerdana derve di karûbarên Sûriyê de hişyarî da û go:
“Her tiştê ku li Sûriyê, herêmê û bi giştî li Rojhilata Navîn qewimî û diqewime, encama destwerdana biyanî ye.
