Zelenskî tevî şerê li dijî Ukraynayê hewldana aştî û bi dawîkirina şer dike.
Zelenskî wê di çarçoveya bernameya vekirina 80’yemîn a Civata Giştî ya Neteweyên Yekbûyî de biçe Amerîkayê.
Li aliyê din Serokê Amerîkayê Donald Trump bang li welatan kir ku bihayên petrolê daxînin da ku Rûsya şerê li dijî Ûkraynayê rawestîne.
Serokê Dewleta Ûkraynayê Volodîmîr Zelenskî ragihand ku ew dê di çarçoveya bernameya vekirina 80’yemîn a Civata Giştî ya Neteweyên Yekbûyî de biçe Amerîkayê.
Zelenskî di peyama xwe ya vîdyoyî ya ku li ser hesabê xwe yê Telegramê parve kir de diyar kir ku ew weke heyeta Ûkraynayê dê beşdarî bernameya vekirina 80’yemîn a Civata Giştî ya NY bibin.
Zelenskî got ku di çarçoveya serdana Amerîkayê de ew dê bi nûnerên welatên hevalbend re bicivin û mijarên têkildarî bidawîkirina şerê Rûsya-Ûkraynayê nîqaş bikin.
Zelenskî destnîşan kir ku heyeta Ûkraynayê dê li Amerîkayê nêzî 20 hevdîtinan pêk bîne û sibê dê hevdîtinên xwe yên yekemîn li dar bixin.
Herwiha di nava heftê de jî plan dikin ku bi Serokê Amerîkayê Donald Trump re hevdîtinê bikin.
Zelenskî got:
“Girîng e ku ev heftê ji bo cîhanê hewayeke çalakiyê ya bihêz bide, bêyî hêz aşîtî jî nabe.”
Zelenskî ragihand ku wan ji bo hevalbendan di warê îxrackirina wesayîtên deryayî yên bêmirov ên ku Ûkrayna hilberîne, pêşniyarên yekem amade kirine.
TRUMP PLANÊ BIDAWÎKIRINA ŞER RAGIHAND: EW Ê RÛSYAYÊ BIXWEBER RAWESTÎNE
Trump savaşı sona erdirme planını açıkladı: “Rusya’yı otomatik olarak durduracak”
Li aliyê din Serokê Amerîkayê Donald Trump bang li welatan kir ku bihayên petrolê daxînin da ku Rûsya şerê li dijî Ûkraynayê rawestîne.
Trump berê jî piştî hevdîtina xwe ya bi Serokwezîrê Îngilîstanê Keir Starmer re gotibû ku ew amade ye ku cezayên li dijî Rûsyayê xurt bike, lê eger hevalbendên wî berdewam bi kirîna petrolê ji Rûsyayê bikin, ev yek ne mimkun e.
Li gorî Bloombergê, piştî dagirkirina Ûkraynayê di sala 2022’an de, piraniya welatên Ewropayê rasterast kirîna petrolê ji Rûsyayê rawestand.
Lê hê jî hin mîqdarên petrolê ber bi Macarîstan û welatên din ên bêdergeh ên rojhilatê ve diherikin.
Her wiha Ewropa ji Hindistan û Tirkiyê, ku petrola rûsî ya paqijkirî bikar tînin, mazotê jî îthal dike.
Di vê çarçoveyê de, Trump ji Balyozê NATO’yê yê Amerîkayê Matt Whitaker xwest ku zêdetir zextê li welatên Ewropayê bike.
Trump, ku fikarê xwe ji kiryarên Vladîmîr Pûtîn dubare kir, got ku eger bihayên petrolê hinekî din bên daxistin, şerê li Ûkraynayê dikare bi dawî bibe.
Trump wiha axivî:
“Ev yek dê şerê Rûsyayê li dijî Ûkraynayê bixweber rawestîne. Eger hûn bihayan hinekî din daxînin, şer disekine.
Ez ji Pûtîn bêhêvî bûm, lê ew winda dikin, her hefte ji 5 hezar heta 7 hezar kes bêyî sedem dimirin.”
