Meşa “Em bi hêviyê ber bi azadiyê ve dimeşin” bi pêşengiya TJA’yê bi beşdariya 250 jinan bi 7 daxwazan ber bi Enqerayê ve bi rê ketin.
Bi hezaran kesên ku bi pankarta “Mafê hêviyê nikare bê astengkirin” dengê xwe bilid kirin.
Jinên beşdarî meşê bûn diyar kirin ku banga aştî û civaka demokratîk ne bi rûniştinê, lê bi civakîbûnê re dikare pêk were, meş meşeke civakî ye û balê dikşîne ser aştiya civakî.
Meşa azadiyê ya ji Amedê ber bi Enqerayê bi rê ket.
Meş bi dirûşma “em bi hêviyê ber bi azadiyê ve dimeşin” bi beşdariya 250 jinan û bi pêşengiya TJA’ê destpê kir.
Hatîce Yildiz: Divê mafê hêviyê ji bo birêz Ocalan bê dayîn
Yek ji wan jinan Hatîce Yildiz e , Hatîce Yildiz e dan zanîn ku wan bi daxwaza “mafê hêviyê” dest bi meşê kirine û got:
“Nabe ku mafê hêviyê ji bo Ocalan neyê dayîn.
Emê ji Wanê ber bi Enqerayê bimeşin û emê li Meclîsê peyamekê bidin gelê Tirkiyê.
Eger em azadî, aştî û edaletê dixwazin divê tirk û kurd bikevin berpirsyariyê.
Bila kuştina mirovan bi dawî bibe û dema çekê jî biqede.
Ez bang li Çerkez, Laz, ji Tirk, Kurd bila her kes bibêje êdî bes e.
Done Gevher: Emê li girtîgeha Sincanê daxwaza qanûna înfazê bikin
Sekretera Jinan a KESK’ê Done Gevher jî armanca xwe ji meşê ev anî ser ziman :
“Beşdarên meşê banga aştî û civaka demokratîk dikin.
Ev jî bi çalakiyên civakî dibe da ku bersiva xwe bigre.
Meş wê şeş rojan dewam bike û emê li Girtîgeha Sincanê daxwaza qanûna înfazê bê sererastkirin bikin.
Emê li Meclisê daxwazên xwe bînin ziman, di heman demê de li gund û bajaran bicivin û daxwaza azadiyê bilin bikin.”
Seçkîn Tûnç: Em daxwaza mafê hêviyê ji bo Ocalan û girtiyên din dikin
Seçkîn Tûnç jî anî ziman ku em ber bi demokrasî, azadî û aştiyê ve dimeşin û ev tişt got:
“Ji bo çîna karker bi rengekî azad bijî, jin û keç azad bin, em dimeşin.
De serî de ji bo şert û mercên Birêz Abdullah Ocalan, ji bo girtiyên nexweş dimeşin.
Hêvî dikim ku wê bersiv ji daxwazên me re bê dayin.
Weke ku Birêz Abdullah Ocalan got ku heta jin azad nebe civak azad nabe.”
Oznûr Evîn: Bila şer raweste û civakîkirina aştiyê çêbibe
Oznûr Evîn destnîşan kir ku bi armanca daxwazên civakî bînin gel hev wan dest bi meşê kirine û got:
“Ev meş ji bo mafê hêviyê, aştiya civakî û mafên jinan e û emê li Enqerayê rawestin.
Nêzî 7-8 meh em hêvî dikin ku pêvajo bimeşe lê dereg dimeşe.
Divê pêvajo bi lez bimeşe ji ber cavakê êdî berê xwe daye aştiyê.
Amranca me rawestandina şer e, civakîkirina aştiyê ye. “
