Artêşa Rûsyayê di şeva 22’yê Cotmehê de êrîşeke din a berfireh a hewayî ya hevbeş li dijî binesaziya krîtîk a Ukraynayê pêk anî.
Li gorî Fermandariya Hêza Hewayî ya Ukraynayê, di êrîşê de 433 balafirên bê mirov hatine tespîtkirin, ku 349 ji wan hatine xistin an jî hatine bêbandorkirin.
Lêbelê, 12 mûşek û 55 dronên êrîşê li deverên cuda yên welêt li hedefên xwe xistine.
Li gorî daxuyaniyek ku Hêza Hewayî bi rêya Telegramê weşandiye, êrîş di saet 7’ê êvarê ya 21’ê Cotmehê de dest pê kiriye û heta saetên serê sibê berdewam kiriye.
Rûsyayê mûşekên hewayî û bejayî, û her wiha cûrbecûr balafirên bêmirov li dijî Ukraynayê bi kar anîne.
Her çend hedefa sereke herêma Kîevê bû jî, êrîşan 5 herêmên Ukraynayê jî zirareke girîng dane.
Di 10’ê Cotmehê de, Rûsyayê bi 497 balafiran êrîşek da destpêkirin, ku Parastina Hewayî ya Ukraynayê 420 ji wan têk birin.
Di êrîşa herî mezin a 7’ê Îlonê de, ji 818 hedefên hewayî 751 hatin xistin, û 9 mûşek û 56 balafirên bê mirov gihîştin hedefên xwe.
