Bi destpêkirina dema çandiniyê re, buhayên tovê genim û ceh zêde dibin.
Piştî saleke ziwa û zirarên mezin, ev yek zehmetiyên cotkaran zêdetir dike.
Cotkar dibêjin ku tevgera bazarê li gorî sala derbasbûyî de paş ketiye û ev bi guhertina rewşa hewayê û buhabûna mesrefa xebatên çandiniyê.
Çandinî damarê sereke yê jiyana aborî ya Bakur û Rojhilatê Sûriyê ye.
Çandinî ne tenê jêdera dabînkirina pêdiviyên jiyanî ye, lê bi çandiniyê derfeta kar ji beşeke mezin a şêniyên herêmê re peyda dibe.
Salên rewşa hewayê baş tê û baran baş dibare çandinî xwetêrkirinê di herêmê de pêk tîne.
Lê bi guhertina avhewa û zêdebûna hişkesaliyê re şert û mercên çandiniyê guherîne.
Bazara tov li herêma Bakur û Rojhilatê Sûriyê bilind dibe.
Bi tayebet bi dema çandiniyê de, ev barê cotkaran giran dike.
Di bazara El Hedadiyê ya li Şedadê ya kantona Cizîrê, buhabûna zêde ya ceh û genimê ji bo tov tê bikaranîn, baş tê dîtin.
”Tevgera bazarê li gorî sala derbasbûyî de paş ketiye”
Bazirganê bi navê Xidir El Ebdûd diyar kir ku buhayê kîloya genimê tov ê dermankirî û nehatiye xirbalkirin, bi 4 hezar û 700 lîreyê Sûriyê ye û got:
Buhayê kîloya cehê gewr ê kalîteya wî navîn e di navbera 5 hezar û 500 û 6 hezar lîreyên Sûriyê de ye.
Cehê reş di bazaran de zêde nayê peydakirin, heke hebe jî li gorî kalîteya xwe kîlo di navbera 7 û 8 hezar lîrey, de ye.
Bazirgan Ehmed El Casim destnîşan kir tevgera bazaran wan yekser bi rewşa hewayî ve girêdayî ye û wiha anî ziman:
Cotkar berê xwe didin kirîna tovê bikalîte. Lê ev buhabûna zêde ya mesrefa çandiniyê zehmetiyên cotkaran zêdetir dike.
Welatiyê bi navê Emar El Zêdan der barê mijarê de got, ev buhabûn hêza kirînê li gel welatiyan bi paş dixe.
Saziya Zêdekirina Tov a Desteya Çandinî û Avdanê dest bi belavkirina tov li cotkaran kiriye.
Tona tovê dermankirî û xirbalkirî bi 350 dolarên amerîkî ye.
Li gorî plana çandiniyê ya îsal ji sedî 55’ê zeviyan dê bibe genim.
Rêveberiya Xweser a Bakur û Rojhilatê Sûriyê ceh ji cotkaran nakire.
Ji ber wê jî cotkar neçar dibin ceh bidin bazirganan. Ev jî dibe sedemeke sereke ya buhabûna di dema çandiniyê de.
