FED-MED beriya meşa ku di 8’ê Mijdarê de li Kolnê were lidarxistin, li bajaran belavok belav kirin, civînên gel li dar xistin û banga beşdarbûna meşê kirin.
Federasyona Civaka Azad a Mezopotamyayê (FED-MED) lez da xebatên amadekariya meşa ku wê di 8’ê Mijdarê de li bajarê Kolnê yê Elmanyayê were lidarxistin.
Endamên federasyonê yên li Koln, Bonn, Essen, Dortmund û Durenê dixebitin bi esnaf, malbat û komeleyan re civiyan û banga beşdarbûna meşê kirin.
Nûnerên meclis û saziyan jî bi awayekî çalak beşdarî xebatên amadekariyê dibin.
Îro, di bin sîwana FED-MED’ê de li gelek bajaran belavok hatin belavkirin, serdana kargehan û malbatan kirin û gel vexwendin meşê.
Rêveberên federasyonê diyar kirin ku armanca wan ew e ku girseyek mezin beşdarî meşa 8’ê Mijdarê ya li Kolnê bê lidarxistin, bibin û gotin:
“Em ê careke din daxwazên xwe yên ji bo azadî û aştiyê biqîrin.”
