Yekîtiya Ragihandina Azad rojnamevan Îsam Abdullah û Rustem Cîlo, di salvegera şahdeta wan de bi bîr anîn û bang li rêxistinên parastina rojnamegeran kir ku ji dewleta Tirk hesap bipirsin.
Yekitiya Ragihandina Azad (YRA) di salvegera şehadeta rojnamevan Îsam Abdullah û Rustem Cîlo de bi daxuyaniyekê li ser malpera xwe ragihand ku hedefgirtina wan ji hêla dewleta Tirk ve, sûcêkî li dijî azadiya ragihandinê ye.
Daxuyanî wiha ye:
“Hedefgirtina hevkarê me Îsam Abdullah, endamê Ajansa Nûçeyan a Hawarê – ANHA, sûcekî belgekirî ye ku gelek navendên herêmî û navneteweyî yên mafê mirovan, çapemenî û hiqûqî û UNESCO’yê şermezar kir. UNESCO’yê tekez kir ku êrişa li ser rojnamevanên erkên xwe pêk tînin, êrişa rasterast a li dijî qanûnên navdewletî û heqîqeta rola cewherî ya di derxistina rastiyan de ye. Tevî ku sal di ser vê sûcê û bangewaziyên edaletê re derbas bûne jî, Tirk hedefgirtina xwe ya bi artêşa û sîstematîk ji rojnamevanên sivîl ên Bakur û Rojhilatê Sûriyeyê re dewam dike.
Şehîd Rustem Cîlo ku mînaka wêrekî û pabendiya bi rastîya re bû, ji bo veguhestina deng û êşa gel li Şehbayê, canê xwe feda kir. Bi vî awayî jî tev li kerwanê şehîdên ku ji êrîşên dewleta Tirk ên li ser herêmê şehîd bûne, dibe.
Hedefgirtina ronamevanan sûcekî şer û binpêkirineke berbiçav a qanûnên mirovî ye.
Em bang li civata navneteweyî û parastina rojnamevanan dikin ku helwesteke cidî nîşan bidin û ji Tirkiyeyê ji ber sûcên li dijî rojnamevan û sivîlan dike, hesab bê pirsîn.
Em pabendiya Yekitiya Ragihandina Azad ji bo berdewamiya mîsyona xwe ya rojnamevanan û piştgiriya rola wan a belgekirina sûc û binpêkirinan, parastinê dikin.
Em soz didin şehîdên xwe, malbat û hevkarên wan ku gotin, wêne û helwestên wan bibin çirayek ku rêya hemû kedkarên ragihandina azad ronî bikin.
Şehîdên heqîqetê rûmeta me ne.”
