Papa Leo Francis piştî bû serokê Dêra Katolîk yekem serdana xwe ya ji bo derveyî welat pêk anî.
Papa di serdana xwe ya ji bo Turkiyê û Lubnanê de balkişand ser aştiya Olî û nijadî.
Papa dibêje mirovên xwedî baweriyên cuda dikarin bi aştiyê bijîn.
Papa piştî ku di meha Gulanê de wekî serokê Dêra Katolîk hate hilbijartin, yekem serdana xwe ya derveyî welêt pêk anî.
Papa di civîna çapemeniyê de, bal kişand ser serdana xwe ya li Tirkiyê, ku roja Pêncşemê dest pê kir û heta Yekşemê berdewam kir.
Papa diyar kir ku wî bi Serokkomarê Tirkiyê Recep Tayyip Erdogan re li ser nakokiyên Îsraîl-Filistîn û Ukrayna-Rûsyayê nîqaş kiriye û Papa îdîa kir ku Tirkiye di bidawîanîna her du şeran de roleke girîng lîstiye.
Di serdana xwe ya Tirkiyê de, Papa Leo hişyarî da ku pêşeroja mirovahiyê ji ber hejmareke neasayî ya pevçûnên xwînî yên li cîhanê, di xetereyê de ye û kiryarên tundûtûjiyê yên ku bi navê ol têne kirin şermezar kir.
Piştî Turkiyê Papa serdana Lubnanê kir.
Papa Leo Firancis di ser dana xwe ji bo Lubnanê de bal kişand ser aştiya herêmê.
Papa diyar kir ku yekane çareseriya, nakokiyên dehsalan a di navbera Îsraîl û Filistîniyan de avakirina dewletek Filistînê ye.
Her wiha Papa Firancis teqez kir ku helwesta Vatîkanê li ser mijara Filistînê zelale.
Papa di serdana xwe de peyamên aştiyê da
Leo, yekem Papayê Amerîkî yê Vatîkanê, di balafirê de ji rojnamevanan re got:
“Em hemû dizanin ku Îsraîlê hîn jî dewletek Filistînê wek çareserî qebûl nekiriye, lê em wê wekî yekane çareseriyê dibînin.”
Papa di axaftina xwe ya bi Îtalî de got:
“Em jî dostên Îsraîlê ne û wekî dengek navbeynkar di navbera her du aliyan de, hedefa me ew e ku alîkariya wan bikin da ku nêzîkî çareseriyekê bibin û edaletê ji bo her kesî misoger bikin.”
Li aliyek din serokwezîrê Îsraîlê Benjamin Netanyahu dîsa dijberiya xwe ya li hember dewletek Filistînî dubare kir.
Her çend Amerîka serxwebûna filistînê bixwaze jî lê rêveberiya Îsraîlê ne bi serxwebûna filistînê re ye.
Papa: Mirovên xwedî baweriyên cuda dikarin bi aştiyê bijîn
Papa Leo, ku bi gelemperî zimanê hişyarî û dîplomatîk tercîh dike, di destpêka vê salê de rexneyên xwe yên li ser operasyona leşkerî ya Îsraîlê li Şerîda Xezayê zêde kir.
Papa wê serdana xwe ya Lubnanê heta sibê bidomîne, piştî wê ew ê vegere Romayê.
Papa Leo got:
“Mirovên xwedî baweriyên cûda dikarin bi aştiyê bijîn.
Ez difikirim ku ev mînakek e ku em hemû li çaraliyê cîhanê li bendê ne.”
