Li ser banga Serokê Meclisa Îslamî ya Elewî li Sûriye şêx Xezal Xezal îro girava giştî destpêkir û xelk li malên xwe man.
Xelkê bajarên Laziqiye, Ceble, Tertûs, Safêta, Dirêkîş, Hema û Misyafê banga Xezalî bicih anîn, dikanên xwe venekirin û sûk hema bêje girtî ne.
Ji van herêman peyamên piştgiriya banga şêx Xezal derketin û gotinên wekî “Em hemû bi grevê re ne… girev maf û rûmet e” û “Xwîna Elewiyan ne-erzan e” bi awayekî berfireh belav bûn.
Serokê Meclisa Îslamî ya Elewî li Sûriye û Dîasporayê şêx Xezal Xezal bang li civaka Elewiyan kiribû ku greva giştî ya 5 rojan bikin û li malên xwe bimînin.
Her wekî rexne li hikumeta veguhêz kiribû ku ew neheqiyeke mezin û zextê li sivîlan dike.
